‘ഒരു ചോദ്യം – ഒരുത്തരം’

A safe workplace isn’t a luxury; it’s a right. That’s why a revolution ignited, with art and voice as its weapons. The Women in Cinema Collective (WCC) redefined the Malayalam film industry, leading a bold fight for justice and safety.

Despite laws favoring women, gender-based atrocities persist across industries in Kerala due to deep-rooted issues. Lets examine them.

Cultural and psychological factors:

1. Patriarchy: Kerala’s strong patriarchal norms devalue women, fuelling discrimination and abuse.
2. Power Imbalance: Men dominate leadership roles, creating fear among women to speak up against harassment, fearing retaliation.
3. Normalized Misogyny: Misogyny is often dismissed as “industry culture,” silencing victims and discouraging others from speaking out.
4. Legal and systemic gaps:
Weak Enforcement: Laws like the 2013 Sexual Harassment Act often fail due to poor implementation. Complaints committees are biased, making justice hard to achieve.
5. Lack of Awareness: Many women are unaware of their rights, further silenced by social conditioning that discourages legal action.
6. Inadequate Support: Without strong support systems like counselling or legal aid, women fear social stigma and remain silent.

Lessons from WCC and the Hema Committee report:
1. Power in Unity: WCC’s collective action raised awareness and pressured authorities for change. Unity gave women a stronger voice.
2. Empowerment: WCC’s success shows the power of solidarity, empowering women to challenge the status quo.
3. Institutional Reforms: The Hema Committee report exposed systemic issues. But real change depends on the commitment to implement these reforms.

Needed laws and changes:
1. Stronger Enforcement: New laws must focus on independent supervision and unbiased complaints committees, holding wrongdoers accountable.
2. Whistleblower Protection: Laws protecting those who expose gender discrimination can encourage more women to speak out.
3. Gender Sensitization: Mandatory training on gender equality can transform workplace culture.
4. Transparent Hiring: Legal mandates for transparency in hiring and promotions can reduce biases and discrimination

Path to change:

1. Cultural Shift: Change requires dismantling patriarchal norms through education and media.
2. Empowerment: Educating women about their rights and men about gender equality can foster a safer environment.
3. Legal Reforms: Continuous policy updates, driven by movements like WCC, are crucial. Accountability and cultural transformation go hand in hand.

Some welcome initiatives :

1. Corporates Companies like Infosys use anonymous reporting and independent reviews to ensure safety.
2. Media: Post #MeToo, organizations like the BBC set up confidential hotlines and counseling, proving institutional support matters.

The fight for gender equality is ongoing, and it demands commitment from every level of society.

_{കവർ: ജ്യോതിസ് പരവൂർ}

ചോദ്യം:
“ഹേമ കമ്മിറ്റി റിപ്പോർട്ട്‌ മലയാള സിനിമാ രംഗത്ത് ഗുണപരമായ മാറ്റം വരുത്തുമോ? റിപ്പോർട്ടിൽ ആരോപിതരുടെ എതിരെ നിയമനടപടി എടുക്കുന്നതിനെ കുറിച്ച് എന്താണ് പറയാനുള്ളത്?”

ഹേമ കമ്മിറ്റി റിപ്പോർട്ട്‌,ഒരു റിപ്പോർട്ട് എന്നുള്ളതിലുപരി, സാമൂഹികമായി ഉയർന്നു വന്ന ഒരു ചോദ്യത്തിന്റെ ഉത്തരം കൂടി ആണ്. ഈ ചോദ്യം കാലങ്ങളായി ചോദിക്കപ്പെടുകയും, അതിനു ഉത്തരം ലഭിക്കാതിരിക്കുകയും ചെയ്യുന്ന സാഹചര്യം ഉണ്ടായിട്ടുണ്ട്. ആ സാഹചര്യം ഉണ്ടാവുന്നത് ഇവിടെ ഒന്നും സംഭവിക്കുന്നില്ല എന്ന് ആളുകൾ കരുതുന്നത് കൊണ്ടല്ല.പരക്കെ normal എന്ന് അംഗീകരിക്കപ്പെട്ടു പോരുന്ന പുരുഷാധിപത്യം അത്രയ്ക്ക് ശക്തമാവുന്നത് കൊണ്ടാണ്. അങ്ങനെയുള്ള ഒരു സമൂഹത്തിൽ, പരാതികൾ ഉയർന്നാലും, ചിരിച്ചു തള്ളാനും, അങ്ങനെ ആവില്ല എന്ന് അവിശ്വസിക്കാനും, നിസ്സാരവൽക്കരിക്കാനും ഉള്ള പ്രവണത അധികമായിരിക്കും. അസാമാന്യമായ ധൈര്യം സംഭരിച്ചു ചെയ്യേണ്ട കാര്യമായി അനീതിക്കെതിരായ പോരാട്ടം മാറുന്നു. ഇതിനെതിരെ ഉള്ള ഒരു ചൂണ്ടുവിരലായി ഹേമ കമ്മിറ്റി ഉയർന്നു നിൽക്കുന്നു.

അനേകം കാലങ്ങളായി നിലനിൽക്കുന്ന ചൂഷണത്തിനെതിരെ ഒരു കൂട്ടം സ്ത്രീകൾ നടത്തിയ ചെറുത്ത് നിൽപ്പിന്റെ പ്രതീകം കൂടിയാണ് ഈ റിപ്പോർട്ട്‌. മാറ്റം വരാതിരിക്കില്ല. ഇപ്പോൾ പുറത്തു വരുന്ന രാജിയുടെ വാർത്തകൾ എല്ലാം അഴിച്ചുവിട്ട കൊടുംകാറ്റ്, വൻ മരങ്ങൾ എന്ന് കരുതിയവരെ പുഴക്കിയെറിയുന്നതിന്റെ സൂചനകൾ ആണ്. റിപ്പോർട്ടിൽ പല ശുപാർശകൾ ഉണ്ട്. അവ നടപ്പിലാക്കേണ്ടതാണ്. ആരോപിതരുടെ എതിരെ നിയമനടപടികൾ കൈകൊള്ളുന്നതിനോടൊപ്പം, പുറത്തു വിടാത്ത പേജുകളും പുറത്തു വിടേണ്ടതാണ്. അടിയേറ്റശേഷവും എഴുന്നേൽക്കാൻ ധൈര്യം കാണിച്ച ഒരു സ്ത്രീ, സമൂഹത്തിന്റെ ഉയർന്നെഴുന്നേൽപ്പിന് വിത്തായി മാറി തീരുകയാണുണ്ടായത്. അങ്ങനെയാണ് അനേകം സ്ത്രീകൾ ഒരുമിച്ച് WCC ഉണ്ടാകുന്നത്.അതിലൂടെ ആണ് ഈ റിപ്പോർട്ട്‌ സാധ്യമായതും.

_{കവർ: ജ്യോതിസ് പരവൂർ}

ചോദ്യം :ഹേമ കമ്മിറ്റി റിപ്പോർട്ട് മലയാള സിനിമാ രംഗത്ത് ഗുണപരമായ മാറ്റം വരുത്തുമോ? റിപ്പോർട്ടിൽ കുറ്റാരോപിതർ ആയവർക്ക് എതിരെ നിയമനടപടി എടുക്കുന്നതിനെ കുറിച്ച് എന്താണ് പറയാനുള്ളത്?

ഉത്തരം : ഹേമ കമ്മീഷൻ റിപ്പോർട്ട് മുഴുവനായി പരസ്യപ്പെടുത്തുന്നതിന് പകരം അതിൽ കുറ്റാരോപിതരായവരെ വെളിപ്പെടുത്തുകയും, അവർക്കെതിരെ സ്വമേധയാ മുഖം നോക്കാതെ കേസെടുത്ത് ശിക്ഷ വാങ്ങിക്കൊടുക്കുകയുമാണ് വേണ്ടത്. അല്ലാതെ സോഷ്യൽ മീഡിയയ്ക്കും ചാനലുകൾക്കും ഇക്കിളിക്കഥകളാക്കി വിചാരണ ചെയ്തു, അതിലകപ്പെട്ടു പോയ സ്ത്രീകളെ തെറി വിളിക്കാനുള്ള അവസരമല്ല നൽകേണ്ടത്.
കാരണം ഇലയനങ്ങിയാൽ ഇല്ലാക്കഥ പോലും പ്രകാശവേഗത്തിൽ പ്രചരിക്കുന്ന ഇടം കൂടിയാണ് സിനിമ. ഇരയാക്ക പ്പെട്ടവരുടെ ആത്മാഭിമാനത്തിനും വിലയുണ്ട്.തുറന്നു പറയണമെന്നുള്ളവർക്ക് ഇന്നും അതിനുള്ള പൊതുവിടങ്ങളുണ്ട്. സോഷ്യൽ മീഡിയകളിലും ഒരളവുവരെ ചാനൽ സംസ്കാരത്തിലും പ്രശ്നപരിഹാരം എന്നതിലുപരി ഇത്തരം വിഷയങ്ങൾ ലൈംഗികതയുടെ തെറ്റും ശരിയുമായി മസാല ചർച്ചകളാക്കി ചെളി വാരിയെറിയാനാണ് താൽപര്യപ്പെടുന്നത്. അടുത്ത പ്രശ്നം വരുമ്പോൾ ഇത് വിട്ട് അതിന്റെ പുറകേ പോകുന്ന രീതിയാണ്. അതുകൊണ്ട് സാമൂഹ്യമായി യാതൊരു മാറ്റവും, പുരോഗതിയുമുണ്ടാവുന്നില്ല. വിചാരണ യഥാർത്ഥ കോടതികളിൽ യഥാവിധി നടക്കേണ്ടതാണ്. കേസിന്റെ അന്വേഷണം പക്ഷപാതം കാണിക്കാത്ത സത്യസന്ധരായ പോലീസുദ്യോഗസ്ഥരെ ഏൽപ്പിക്കുകയാണ് വേണ്ടത്. ഒരു ഇച്ഛാശക്തിയുള്ള സർക്കാർ വിചാരിച്ചാൽ ഈ മേഖല കുറ്റമറ്റതാക്കി മാറ്റാൻ പറ്റും. ആശങ്കകളില്ലാതെ കൂടുതൽ സ്ത്രീകൾക്ക് ഈ തൊഴിലിലേക്ക് കടന്നുവരാനും വരുമാനമുണ്ടാക്കാനും കഴിയും. മിനിമം വേതനം നിശ്ഛയിക്കുകയും അതിൽ തന്നെ തുല്യത പുലത്തുകയും വേണം

ഇപ്പോഴത്തെ വിവാദങ്ങൾ സിനിമാ മേഖലയിൽ സ്ത്രീകളെ മാക്സിമം കുറയ്ക്കുക എന്നതിലേക്ക് വരെ കാര്യങ്ങൾ എത്തിച്ചിരിക്കുകയാണ്. പുരുഷ കേന്ദ്രീകൃതമായ ഒരു ലോകത്തെ പുരുഷന്മാരുടെ സംവിധാനത്തിലേക്ക്, അവരുടെ നേരമ്പോക്കുകളിലേക്ക് ആവശ്യമായ ഒരു പ്രോപ്പർട്ടി മാത്രമായി മാറ്റപ്പെടുകയാണ് സ്ത്രീകൾ. നിയമവ്യവസ്ഥ നടപ്പിലാക്കുന്നതിന് പകരം മറികടക്കാനാണ് ശ്രമിക്കുന്നത്.

പുതിയ ചെറുപ്പക്കാർ മാറ്റങ്ങൾ കൊണ്ടുവരുന്നില്ലെന്നല്ല. അവരിൽ പ്രതീക്ഷയുമുണ്ട്. അവർ കുടുംബ സമേതം പോലും സിനിമകൾ നിർമ്മിക്കുകയും സൗഹൃദങ്ങൾ നിലനിർത്തുകയും ചെയ്യുന്നു. ഒറ്റയും തെറ്റയുമായാണെങ്കിലും നിലപാടുകൾ തുറന്നു പറയാൻ ധൈര്യം കാണിക്കുന്നുമുണ്ട്. സ്വാഗതം ചെയ്യേണ്ടതാണ്.

കവർ : ജ്യോതിസ് പരവൂർ

ചോദ്യം :

വിദേശ സർവകലാശാലകൾ കേരളത്തിൽ തുടങ്ങുന്നത് സ്വാഗതർഹമാണോ? എന്തു കൊണ്ട്? നേട്ടങ്ങൾ, കോട്ടങ്ങൾ ഉണ്ടെങ്കിൽ അത്, അനുവദിക്കുകയാണെങ്കിൽ സ്വീകരിക്കേണ്ട മുൻകരുതലുകൾ?

കേരളത്തില്‍ പല കോളേജുകളിലും ബിരുദത്തിനുള്ള സീറ്റുകള്‍ ഒഴിഞ്ഞുകിടക്കുന്നതായാണ് വാര്‍ത്ത. അത് വര്‍ഷം തോറും ഏറിവരുന്നതിനാല്‍ ഒരു പുതിയ പ്രവണതയാണ് എന്നു പറയാം. അതേസമയം, കേരളത്തിലെ യുവജനങ്ങള്‍ ഒന്നാകെ പഠനവിമുഖരായി മാറുന്നു എന്നു പറയാനായിട്ടില്ല. അത്തരം ഒരു ചിന്ത കൗമാരക്കാരില്‍ പടരുന്നുണ്ട് എന്നത് യാഥാര്‍ത്ഥ്യമാണെങ്കിലും. അക്ഷരമെഴുതാന്‍ പോലും അറിയാത്തവര്‍ക്ക് ഫുള്‍ എ പ്ലസ് കിട്ടുന്നു എന്ന് ഈയിടെ വിവാദമായ പ്രസ്താവനയുടെ ഒരര്‍ത്ഥം ബുദ്ധിശാലികളായ കുട്ടികളെ സംബന്ധിച്ച് ഇവിടെ നിലവിലുള്ള പൊതുവിദ്യാഭ്യാസം ഒട്ടും വെല്ലുവിളി ഉയര്‍ത്തുന്നില്ല എന്നാണ്. ഉന്നതവിദ്യാഭ്യാസരംഗത്ത് ചോയ്സ് ബേസ്ഡ് ക്രെഡിറ്റ് സെമസ്റ്റര്‍ സിസ്റ്റം ആണ് നടപ്പിലുള്ളത്. ഒരു മണിക്കൂര്‍പോലും നഷ്ടപ്പടുത്താന്‍ പറ്റാത്ത, നിന്നുതിരിയാന്‍ ഇടയില്ലാത്ത വളരെ തീവ്രമായ പഠനപദ്ധതിയാണത്. പക്ഷെ നടപ്പിലാക്കി ഒന്നര ദശകം പിന്നിട്ടിട്ടും നമ്മുടെ കലാലയാന്തരീക്ഷം അതിനനുസരിച്ച് മാറിയെന്ന് പറയാനാവില്ല. അടുത്ത വര്‍ഷം മുതല്‍ നാലുവര്‍ഷമായി ബിരുദപഠനം മാറാന്‍ പോവുകയാണ്. തീര്‍ച്ചയായും വിദ്യാര്‍ത്ഥികളുടെ താല്പര്യങ്ങള്‍ക്കനുസരിച്ച് സ്വതന്ത്രമായി പഠനവിഷയങ്ങള്‍ തെരഞ്ഞെടുക്കാമെന്നാണ് അത് മുന്നോട്ടുവെക്കുന്ന സാദ്ധ്യത. നടത്തിപ്പില്‍ എത്രകണ്ട് ഇത് പ്രാവര്‍ത്തികമാകും എന്ന് കാത്തിരുന്നു കാണേണ്ടതാണ്. ഈ പശ്ചാത്തലത്തിലാണ് ഒരു ബജറ്റ്പ്രഖ്യാപനത്തെ ചുറ്റിപ്പറ്റി കേരളത്തില്‍ വിദേശസര്‍വ്വകലാശാല എന്ന വാര്‍ത്ത ചര്‍ച്ചയാകുന്നത്.

വിദേശസര്‍വ്വകലാശാലകള്‍ മലയാളി വിദ്യാര്‍ത്ഥികള്‍ക്ക് പ്രിയമാണ് എന്നാണല്ലോ പഠനാവശ്യാര്‍ത്ഥം പുറംനാട്ടിലേക്കു പോകുന്ന വിദ്യാര്‍ത്ഥികളുടെ എണ്ണം വര്‍ഷംതോറും ഏറിവരുന്നതില്‍നിന്ന് മനസ്സിലാക്കേണ്ടത്. കേരളത്തില്‍ നിലവിലുള്ളതിനെക്കാള്‍ മെച്ചപ്പെട്ട വിദ്യാഭ്യാസമാണ് വിദേശങ്ങളിലുള്ളത് എന്നാണതിന്റെ പിന്നിലുള്ള വിശ്വാസം. അത് എല്ലായ്പ്പോഴും സര്‍വ്വകലാശാലകളുടെ ഗുണമാണോ അതോ വിദേശങ്ങളുടെ സാമൂഹികസാംസ്ക്കാരികപരിതസ്ഥികളുടെ മെച്ചമാണോ എന്നു തീര്‍ച്ചപ്പെടുത്തേണ്ടതുണ്ട്. അതിലുപരി കേരളത്തിന് പുറത്ത് (വാസ്തവത്തില്‍ ഇന്ത്യയ്ക്ക് പുറത്ത്) ആണ് എന്നത് ഒരു ഗുണനിലവാരസൂചിയായി എടുക്കാന്‍ പറ്റുമോ എന്നതാണ് ശ്രദ്ധിക്കേണ്ടത്. സര്‍വ്വകലാശാലകളുടെ പ്രവര്‍ത്തനരീതിയാണ് ആകര്‍ഷണഘടകമെങ്കില്‍ അത് അതേ പടി കേരളത്തില്‍ നടപ്പിലാക്കാനാകുമോ എന്നത് തീര്‍ച്ചയായും പ്രധാനമാണ്. അതിനാല്‍ വിദേശസര്‍വ്വകലാശാലകള്‍ കേരളത്തില്‍ ശാഖകള്‍ ആരംഭിക്കുന്നത് സ്വാഗതാര്‍ഹമാണോ എന്ന ചോദ്യം ഒരു യെസ് ഓര്‍ നോ ചോദ്യമല്ല.
കേരളത്തിന്റെ‍ വിദ്യാഭ്യാസരംഗം ഇന്ത്യയ്ക്കാകെ മാതൃകയായിട്ടുണ്ട്. അതിന്റെ ഒരു കാരണം സര്‍ക്കാര്‍ നേരിട്ടും എയിഡുവഴിയും നടത്തിപ്പോന്ന കേളേജുകളില്‍ വലിയ സാമ്പത്തികബാദ്ധ്യതയില്ലാതെ കുട്ടികള്‍ക്ക് പഠിച്ചുമുന്നേറാന്‍ കഴിഞ്ഞിരുന്നു എന്നതാണ്. എന്നാല്‍ സര്‍ക്കാര്‍ സഹായം ഒട്ടുമില്ലാതെ കുട്ടികളുടെ ഫീസുമാത്രം ഉപയോഗിച്ച് നടത്തുന്ന സെല്‍ഫ് ഫിനാന്‍സ് കോളേജുകളാണ് കഴിഞ്ഞ കുറെ വര്‍ഷങ്ങളായി രംഗത്തെത്തിയിരിക്കുന്നത്. ഈ നിലമാറ്റംതന്നെയാവും വിദേശസര്‍വ്വകലാശാലകളെക്കുറിച്ച് ആലോചിക്കാനുള്ള സാഹചര്യവും. ആ നിലയില്‍ വിദേശസര്‍വ്വകലാശാലകള്‍ വന്നാല്‍ അതുകൊണ്ട് എന്തെങ്കിലും അപകടംവരുമെന്ന് ആശങ്കപ്പെടേണ്ടതില്ല. വിദേശരാജ്യങ്ങളിലേതിനെക്കാള്‍ ചെലവുകുറഞ്ഞ കോഴ്സുകള്‍ നടത്താനാകുമെന്ന് പ്രത്യാശിക്കുകയും ചെയ്യാം. ലോകത്തിലെ പ്രസിദ്ധവും മികച്ചതുമായ സര്‍വ്വകലാശാലകളെ ആകര്‍ഷിക്കാന്‍ നമുക്ക് കഴിയുമോ എന്നതാണ് ചോദ്യം. അതുണ്ടായാല്‍ തീര്‍ച്ചയായും നമ്മുടെ സര്‍വ്വകലാശാലകള്‍ ഗുണപരമായി മത്സരിക്കാതെ നിവൃത്തിയില്ലാതെവരും. അങ്ങനെ നോക്കിയാല്‍ കേരളത്തിലെ സര്‍വ്വകലാശാലകള്‍ മെച്ചപ്പെടുന്നതിലായിരിക്കും അതെത്തിച്ചേരുക. മറിച്ച് നിലവാരം കുറഞ്ഞ സര്‍വ്വകലാശാലകളാണ് വരുന്നതെങ്കില്‍ നില മെച്ചപ്പെടുമെന്ന് പ്രത്യാശിക്കാന്‍ കഴിയില്ല.

കവർ : ജ്യോതിസ് പരവൂർ

ചോദ്യം :

വിദേശ സർവകലാശാലകൾ കേരളത്തിൽ തുടങ്ങുന്നത് സ്വാഗതർഹമാണോ? എന്തു കൊണ്ട്? നേട്ടങ്ങൾ, കോ ട്ടങ്ങൾ ഉണ്ടെങ്കിൽ അത്, അനുവദിക്കുകയാണെങ്കിൽ സ്വീകരിക്കേണ്ട മുൻകരുതലുകൾ?

വിദേശ സർവകലാശാലകൾക്ക് ഇന്ത്യയിൽ കൊടി പാറിക്കാൻ യുജിസി കൊണ്ട് വന്ന റെഗുലേഷനുകൾ എളുപ്പമാണ്, ഒരു സമയത്ത് ഇവിടെ കൂണ് പോലെ വിദേശസർവകലാശാലകൾ പൊങ്ങുമെന്നൊക്കെയുള്ളത്, ഒട്ടും സംശയമില്ലാതെ എടുത്ത് കളയേണ്ട ചിന്തയാണെന്നാണ് എന്റെ അഭിപ്രായം. ലോകോത്തര റാങ്കിങ് ഉള്ള യൂണിവേഴ്സിറ്റികൾക്ക് മാത്രമാണ് ഇന്ത്യയിൽ ശാഖകൾ തുടങ്ങാൻ സാധിക്കുക. അതും ഇന്ത്യൻ നിരക്കിലുള്ള ഫീസ് നിരക്കുകളും മറ്റും പാലിക്കേണ്ടതുണ്ട്.
കേരളത്തിനെ ഇത് എങ്ങിനെ ബാധിക്കുമെന്നാണ്‌?
ഇന്ത്യയിൽ ബ്രിട്ടീഷ് കൗൺസിൽ ഒരു സർവേ നടത്തിയപ്പോൾ സർവേയിൽ പങ്കെടുത്ത 50% വിദ്യാർത്ഥികളും വിദേശത്ത് പഠിക്കാൻ താല്പര്യം പ്രകടിപ്പിക്കുന്നു എന്നായിരുന്നു കണ്ടെത്തൽ. ആ സർവേ കേരളത്തിൽ മാത്രമായി ആണെങ്കിൽ ഒരു പക്ഷെ ഇതിലധികം വിദ്യാർഥികൾ വിദേശപഠനത്തിന് താല്പര്യം പ്രകടിപ്പിച്ചിട്ടുണ്ടാവുമായിരിക്കും.
കേരളത്തിൽ നിന്ന് ലോകറാങ്കിങിലേക്ക് ഒരു സർവകലാശാലയും ഇല്ലെന്നിരിക്കെ വിദേശസർവകലാശാല വരുന്നതിനെ സ്വാഗതം ചെയ്യേണ്ടത് തന്നെയാണ്. ഇംഗ്ളീഷ് മാധ്യമമായതു കൊണ്ട് തന്നെ ആദ്യവരവിൽ എത്തുന്നത് ബ്രിട്ടൻ, ഓസ്‌ട്രേലിയ യുഎസ് എന്നിവിടങ്ങളിൽ നിന്നാകാം. തീർച്ചയായും, റേറ്റിംഗ് കൂടിയ മികച്ച പഠനങ്ങൾ ഉള്ള സർവ്വകലാശാലകൾ കാലുകുത്തുന്നതോടെ നമ്മുടെ സർവകലാശാലകളുടെ പോപ്പുലാരിറ്റി കുറയുമെന്നതിൽ ഒരു സംശയവും വേണ്ട. സാമ്പത്തികമായി മികച്ചു നിൽക്കുന്ന ജനങ്ങൾ എന്നത് കൊണ്ട് തന്നെ, ഇത്തരം സർവകലാശാലയിലേക്ക് ഒരു ഇടിച്ച് കയറ്റം പ്രതീക്ഷിക്കാം. ഇവിടെ നിന്ന് വിദേശത്ത് പഠിക്കാൻ പോകുന്ന വിദ്യാർത്ഥികളുടെ ഒരു പ്രശ്നം, ഇവിടുന്ന കിട്ടുന്ന യൂണിവേഴ്സിറ്റി ഡിഗ്രികൾ പല വിദേശരാജ്യങ്ങളിലും ‘ഈക്വവലന്റ്’ അല്ല എന്നതാണ്. അതുകൊണ്ട്, നമ്മുടെ നാട്ടിൽ എസ്റ്റാബ്ളിഷ് ചെയ്ത ഒരു ബ്രാഞ്ചിൽ പഠിക്കുന്നത് മൂലം ഇത്തരം പ്രശ്നങ്ങൾ ഇല്ലാതെ വിദേശത്ത് അവർക്കിഷ്ടമുള്ള കോഴ്സ് തിരഞ്ഞെടുക്കാം എന്നതാണ്. വിദേശസർവ്വകലാശാലകൾ ഒരു സാമ്പത്തിക- സാമൂഹിക അസന്തുലിതത്വം സൃഷ്ടിയ്ക്കുമെന്ന് ഞാൻ വിശ്വസിക്കുന്നില്ല.

ഇത്തരം സർവ്വകലാശാലകൾക്ക് നമ്മുടെ യൂണിവേഴ്സിറ്റി- കൊളേജുകൾക്ക് ഒരു ഉദാഹരണം സെറ്റ് ചെയ്യാൻ സാധിക്കും. മികച്ച, യുവാക്കളെ സൃഷ്ടിക്കാൻ സാധിച്ചേയ്ക്കും. സ്‌കിൽഡ് വർക്ക് നുതകുന്ന കോഴ്‌സുകൾ തുടക്കത്തിൽ ഉണ്ടാകുമോ എന്നറിയില്ല. വിദേശ യൂണിവേഴ്സിറ്റിയുടെ അജണ്ട സ്‌കിൽഡ് വർക്കേഴ്സ് നെ, trained തലച്ചോറുകളെ ഇന്ത്യയ്ക്ക് വേണ്ടി സൃഷ്ടിക്കുക എന്നതായിരിക്കയില്ല. അതുകൊണ്ട് തന്നെ അവിടെയുള്ള പഠനം എത്രമാത്രം രാജ്യത്തിന് ഉതകും, സംസ്ഥാനത്തിന് ഉതകും എന്നത് ചർച്ച ആക്കേണ്ടതുണ്ട്. പലപ്പോഴും, വിദേശയൂണിവേഴ്സിറ്റികൾ അവരുടെ ലേബർ മാർക്കറ്റിനെയും, അവരുടെ സാങ്കേതികവിദ്യയെയുമാണ് ഫോക്കസ് ചെയ്യുന്നത്. മറ്റൊരു രീതിയിൽ sustainable ആയി നമുക്ക് വേണ്ടത് സൃഷ്ടിച്ചെടുക്കാൻ ആയിട്ടാവില്ല ഈ വരവ്.

കവർ : ജ്യോതിസ് പരവൂർ