ബി.ജെ.പി

സി. കെ. ജാനുവിനെപ്പറ്റി, അവരുടെ എൻ. ഡി എ. പ്രവേശനത്തെപ്പറ്റി പറയുന്ന ഞാനടക്കമുള്ളവർക്ക് അവരുടെ ചെരിപ്പിന്റെ വാറഴിക്കാൻ പോലും യഥാർത്ഥത്തിൽ യോഗ്യതയില്ല. കർമ്മനിരതവും സമർപ്പിതവുമായ ഒരു ജീവിതത്തെ അതെന്തിന്റെ പേരിലായാലും  ആരുടേതായാലും വിലയിരുത്തുമ്പോൾ നമ്മൾ ശ്രദ്ധിക്കണം.

എ. കെ. ആന്റണി നയിച്ച യു ഡി എഫ് സര്ക്കാരിന്റെ മാറ്റുരച്ചത് ജാനു നയിച്ച മുത്തങ്ങ സമരമായിരുന്നു. കാട് മുഴുവൻ കുടിയേറിയും വെട്ടി വെളുപ്പിച്ചും വിറ്റു ലാഭം ഉണ്ടാക്കിയും മുന്നേറിയ നമ്മൾ ആദിവാസികളെയും മരങ്ങളെയും മറന്നു പോയിരുന്നു. ആദിവാസികളെ മനുഷ്യനായി അഭിസംബോധന ചെയ്യുന്നതിൽ പോലും പരാജയപ്പെട്ടു . മരങ്ങൾ തലങ്ങും വിലങ്ങും വെട്ടി . സ്വാഭാവിക വനങ്ങളെ വെട്ടിപ്പിടിപ്പിച്ച വലിയ തോട്ടങ്ങളായി പ്രഖ്യാപിച്ചു . എല്ലാവരുടെതുമായിരുന്ന കൊടുംകാടുകൾ ഏതാനും വ്യക്തികളുടെ സ്വകാര്യസ്വത്തായി മാറിക്കൊണ്ടിരുന്നു. കാട്ടിലെ മൃഗങ്ങളെപറ്റി പറയാനുമില്ല. മാനിന്റെയും കാട്ടിയുടെയും ആനയുടെയും കൊമ്പുകൾ നാട്ടിലെ കൊട്ടാരങ്ങളുടെ അലങ്കാരമായി . എത്ര സമ്പന്നമായ ജൈവ വൈവിധ്യത്തെയാണ് ക്ഷണനേരം കൊണ്ട് നാമാവശേഷമാക്കിയത് . ഈ മുച്ചുടും മുടിക്കലിനെ നമ്മൾ വികസനം എന്ന് പേരിട്ടു .

” ഉണ്ണാനുള്ളൊരു ചോറ്റിൽ പട്ടികൾ നിന്ന് ചിലപ്പതു കണ്ടാലോ ” എന്ന നാട്ടു ചോദ്യത്തിന്റെ  വനഭാഷ്യമായിരുന്നു മുത്തങ്ങ സമരം. കാട് , ആദിവാസികൾ, ജൈവ ആവാസ വ്യവസ്ഥ എന്നിവ ഒരു പ്രശ്നമായി കേരളത്തിൽ ദൃശ്യത നേടുകയായിരുന്നു . സ്വന്തം മണ്ണിലെ അവകാശം പ്രഖ്യാപിച്ചു കാട്ടിൽ കുടില് കെട്ടി സമരം ചെയ്തത് ഏതു വിധം കലാശിച്ചുവെന്നത് നമുക്കറിയാം. അടികിട്ടി വിങ്ങിയ മുഖത്തോടെ പോലീസ് സ്റ്റേഷനിൽ നിന്നിറങ്ങി വന്ന ജാനുവിന്റെ മുഖം കേരളം മറക്കാതിരിക്കട്ടെ. സ. വർഗീസിന് ശേഷം വയനാടാൻ മണ്ണിനെ ഇളക്കി മറിച്ച സമരമായിരുന്നു ജാനുവിന്റെത്. ആദിവാസികൾ സ്വയം പ്രഖ്യാപിക്കുന്ന ആദ്യത്തെ സമരവും അതായിരുന്നു.

ഭരണാധികാരികൾ ചർച്ചയ്ക്കു വിളിക്കുകയും അവർക്ക് വാഗ്ദാനങ്ങൾ നല്കപ്പെടുകയും ചെയ്തു . തലസ്ഥാനത്ത് കുടിലുകെട്ടി ജാനുവിന്റെ നേതൃത്വത്തിൽ ആദിവാസികൾ സമരമാരംഭിച്ചതാണ് വാഗ്ദാനം കൊണ്ട് മെച്ചമുണ്ടായത്. വീണ്ടും വാഗ്ദാനങ്ങൾ. ഏറ്റവുമൊടുവിൽ ചരിത്രം കുറിച്ച നില്പുസമരം . തിരുവനന്തപുരത്തിരുന്നു അവരെ വിമർശിക്കുന്നവർ എത്രപേർ ഈ സമരത്തോട് ഐക്യപ്പെട്ടു?

യു ഡി എഫും എൽ ഡി എഫും മാറി മാറി ഭരിച്ചതിനിടയിൽ ആദിവാസികളുടെ ജീവിതം പതിന്മടങ്ങ്‌ ദുരിത പൂർണമായി. ബാക്കിയുള്ള കാടുകൾ കൂടി കയ്യേറുന്നതിലും വിറ്റു കാശാക്കുന്നതിലും തമ്പ്രാക്കൾ ജാഗരൂകരായിരുന്നു. ഗാട്ഗിൽ കമ്മറ്റി റിപ്പോർട്ടും കസ്തൂരി രംഗൻ റിപ്പോർട്ടും കാറ്റിൽ പറത്തി . മുത്തങ്ങ മാത്രമല്ല തുടർന്നുണ്ടായ നെല്ലിയാംപതിയിലും ചെങ്ങറയിലും പുറം കാലുകൊണ്ട്‌ തട്ടിയെറിഞ്ഞു. നെല്ലിയാമ്പതിയിലെ ഭഗവതി മൂപ്പൻ മരിച്ചു പോയി. ളാഹാ ഗോപാലനും സെലീനാ പ്രക്കാനവും വിസ്മൃതരായി . പ്ലാച്ചി മടയെയും മയിലമ്മയെയും കുപ്പിയിലടച്ച്‌ പെപ്സി കോളയാക്കി വിൽക്കുന്നതിൽ വിജയം കണ്ടവരാണ് നമ്മൾ .

കെട്ടിടങ്ങളും റോഡുകളും മാത്രമാണ് ഒരു നാടിന്റെ വികസനമെന്ന് കരുതുന്നവർക്കുള്ള മറുപടിയായിരുന്നു ജാനുവിന്റെ പോക്ക്. അവരെ  ഇനിയും മനുഷ്യരായി ഗണിക്കാത്തതിന്റെ പ്രതികരണം. ജനാധിപത്യത്തിന്റെ  ലേബലിൽനടത്തിയ ഫാസിസ്റ്റ് അക്രമത്തോടുള്ള പ്രതിഷേധം.

ജാനുവും ഭഗവതി മൂപ്പനും സെലീന പ്രക്കാനവും മയിലമ്മയും പറഞ്ഞതൊന്നും കേൾക്കാൻ നാം തയാറായില്ല. പകരം രാഷ്ട്രീയ ബോധമുണ്ടാകേണ്ടതിന്റെ ആവശ്യകതയും സ്വത്വ രാഷ്ട്രീയത്തിന്റെ അപകടവും അവരെ പഠിപ്പിക്കാൻ ശ്രമിച്ചു. അത് ചെലവാകാതെ വന്നപ്പോൾ അവരെ കുറ്റപ്പെടുത്തി . കടുത്ത ചൂടിൽ വെന്തുരുകി. അയൽ സംസ്ഥാനങ്ങളിൽ നിന്ന് വന്ന അരിമണിയിൽ  പ്ലാസ്റ്റിക് ചേരുന്നതിനെ പറ്റി ചർച്ച ചെയ്തു .

ഇതിനിടയിൽ ബി ജെ പി കലങ്ങിയ വെള്ളത്തിൽ അതി സമർഥമായി മീൻ പിടിക്കുകയായിരുന്നു . ഹിന്ദുമതത്തിനുള്ളിലെ വ്യതസ്ത സമുദായങ്ങളെ ഓരോന്നായി അവർ വിഴുങ്ങി തുടങ്ങി . സവർണ്ണനെയും ഈഴവനെയും ദളിതനേയും ആദിവാസിയെയും ഹിന്ദുക്കളാക്കി മാറ്റുന്നതിൽ അവർ വിജയിച്ചു. അമ്പല കമ്മിറ്റിയിൽ അധികാരികളായി കയറിപ്പറ്റിയ ജനാദിപത്യസംഘടനകളും വിപ്ലവ പാർട്ടികളും സ്വധർമ്മം മറന്നു വോട്ട് ബാങ്കിൽ മാതം കണ്ണ് നട്ടു . അധികാരവും പണവും കിട്ടുക എന്നതിനപ്പുറം ഓരത്തേയ്ക്ക് തള്ളിമാട്ടപ്പെട്ടവർ പറയുന്നതൊന്നും ശ്രദ്ധിക്കാൻ അവർ സന്നദ്ധരായില്ല. സി കെ ജാനു എന്ന വിമോചനപ്പോരാളി സ്വന്തം സംഘത്തോടൊപ്പം എൻ ഡി എ യിൽ ചെന്ന് ചേക്കേറുകയും തെരഞ്ഞെടുപ്പിൽ അവർ സ്ഥാനാർത്ഥിയാവുകയും ചെയ്തതിന്റെ രാഷ്ട്രീയ പശ്ചാത്തലം ഇതാണെന്ന് ഞാൻ കരുതുന്നു . കെട്ടിടങ്ങളും റോഡുകളും മാത്രമാണ് ഒരു നാടിന്റെ വികസനമെന്ന് കരുതുന്നവർക്കുള്ള മറുപടിയായിരുന്നു ജാനുവിന്റെ പോക്ക്. അവരെ  ഇനിയും മനുഷ്യരായി ഗണിക്കാത്തതിന്റെ പ്രതികരണം. ജനാധിപത്യത്തിന്റെ  ലേബലിൽനടത്തിയ ഫാസിസ്റ്റ് അക്രമത്തോടുള്ള പ്രതിഷേധം.

എങ്കിലും എനിക്ക് ഉത്‌കണ്‌ഠയുണ്ട്. ഇന്തയിലെയ്ക്ക് സ്പെഷ്യൽ എക്കണോമിക് സോൺ ആനയിച്ചു കൊണ്ടുവന്ന എൻ ഡി എ ഇതിനൊരു പരിഹാരമാവുമോ ? ജാതി വിവേചനത്തെ അരക്കിട്ടുറപ്പിക്കാൻ ശ്രമിക്കുന്ന ഹിന്ദുത്വ രാഷ്ട്രീയത്തിൽ ജാനുവിന്റെ സ്ഥാനം എന്തായിരിക്കും ? എവിടെയായിരിക്കും ?

അതിനാൽ ജാനുവിനെ കൂട്ടത്തിൽ നിന്ന് തള്ളിപ്പുറത്താക്കി കുറ്റപ്പെടുത്തുന്നവരോടും അവരെ സ്വീകരിക്കുന്നവരായി ഭാവിച്ചു വാഴ്ത്തുന്നവരോടും വിനീതമായി അപേക്ഷിക്കാനുള്ളത് ഒരേ കാര്യമാണ്.. ജാനുവിനെ വെറുതെ വിടുക.

[dropcap]ആ[/dropcap]യിരത്തി തൊള്ളായിരത്തി അമ്പത്തി ഏഴിലെ അത്ഭുതകരമായ ‘കമ്മ്യുണിസ്റ്റ് വിജയ’ത്തിന് ശേഷം ദേശിയ രാഷ്ടീയം ഉറ്റുനോക്കുന്ന ഒരു തെരഞ്ഞെടുപ്പാണ് ഇപ്പോള്‍ നമുക്ക് മുന്നില്‍ എത്തിയിരിക്കുന്നത്. അന്ന്‍ നെഹ്രുവിനെ പോലെ തന്നെ,  തെരഞ്ഞെടുപ്പ് വാര്‍ത്തകള്‍ ശ്രദ്ധയോടെ നോക്കിയിരുന്നിട്ടുണ്ടാവാം ചൗ ഇന്‍ലായ്, ക്രൂഷ്ചേവ് തുടങ്ങിയവരും ഒരുപക്ഷേ, സി. ഐ എയും! പ്രധാന മന്ത്രി മുതല്‍ നാഗ്പൂരിലെ RSS നേതൃത്വം വരെയുള്ളവരാണ് ഇന്ന്‍ അതേ ആവേശത്തോടെ തെരഞ്ഞെടുപ്പ് ഫലത്തെ കാത്തിരിക്കുന്നത്. മതങ്ങളുടെ, നൂറ്റാണ്ടു കളിലൂടെയുള്ള സഹജീവിതത്തെ കേരളം പോലെയുള്ള ഒരു പ്രദേശത്ത് എങ്ങനെ താറുമാറാക്കാം എന്ന പരീക്ഷണം എത്രത്തോളം വിജയിക്കും എന്നത് അവരുടെ സാമൂഹിക ഇടപാടുകളുടെ അളവുകോല്‍ ആകുവാന്‍ പോകുകയാണ്. കൂടെ, ഇടതു സാമൂഹിക പരിവര്‍ത്തനങ്ങള്‍ സൃഷ്ടിച്ച നവോത്ഥാനങ്ങള്‍ നില നില്‍ക്കുമോ എന്നും. ലോക പ്രസിദ്ധമായ കേരള വികസന മോഡല്‍ ഇനിയും വേണമോ എന്നും മലയാളി തീരുമാനിക്കാന്‍ പോകുകയാണ്.

ദേശിയ ഇടതു പാര്‍ട്ടികള്‍ക്കും ഈ തെരഞ്ഞെടുപ്പ് നിര്‍ണ്ണായകമാകും, കോണ്‍ഗ്രസ് പാര്‍ട്ടിയെക്കാളും. കാരണം ഒരു ജയം, ഇന്നത്തെ ചുറ്റുപാടില്‍, ഇടതന്മാരെ ദേശീയമായി നിവര്‍ന്നു നില്ക്കാന്‍ സഹായിക്കും. പരാജയം, പടുകുഴിയിലേക്കുള്ള ചൂണ്ട് പലകയുമാകും ഇന്നത്തെ അവസ്ഥയില്‍, കോണ്‍ഗ്രസിന്‌ പരാജയം പുതുമയാവില്ല.. ബി. ജെ പിക്കാവട്ടെ, ഒരു സീറ്റിലെ ജയം പോലും സ്വന്തം ഹിന്ദുത്വ രാഷ്ടീയത്തെ സാധൂകരിക്കുന്ന നേട്ടമാകും. .

ഈ സാഹചര്യത്തില്‍ നടക്കുന്ന തെരഞ്ഞെടുപ്പ് നോക്കിക്കാണുന്ന ആര്‍ക്കും മനസിലാകുന്ന ഒരു കാര്യം, ഒരു പാര്‍ട്ടിയുടെ പരിപാടികളും, അതിന്‍റെ നേതാക്കളുടെ, ആ പരിപാടി നടപ്പാക്കാനുള്ള പ്രാപ്തിയും തമ്മില്‍ ഒരുപാട് അകലം ഉണ്ട് എന്നുള്ളതാണ്. പൊതുവെ എല്ലാവര്‍ക്കും  സമ്മതമായ വികസനം എന്ന പരിപാടിപോലും, ആരുടെയെങ്കിലും കൈയില്‍ സുരക്ഷിതമാണ് എന്ന് വോട്ടര്‍മാര്‍ കരുതുന്നില്ല .
കോണ്‍ഗ്രസിന്‍റെ വികസനം, നേതാക്കളുടെ വികസനത്തില്‍ കൂടിയേ വരൂ എന്ന് അവരുടെ ഇതേവരെയുള്ള പ്രവര്‍ത്തനങ്ങള്‍ കാണിക്കുന്നു. ഇടതുകാരാകട്ടെ, സ്ഥിരം പല്ലവി ചില മേമ്പോടികളോടെ അവതരിപ്പിക്കുന്നേ ഉള്ളു. അവരുടെ ‘എല്ലാം ശരി ആകും’ എന്ന പരസ്യവാക്യം പോലെ ദുര്‍ബലം ആണതും. ബി.ജെ.പി അക്കൗണ്ട്‌ തുറക്കാനാണോ–ഭരിക്കാന്‍ ആണോ ശ്രമിക്കുന്നത്‌ എന്ന് ചിലപ്പോഴെങ്കിലും, ചിലര്‍ക്കെങ്കിലും  സംശയം ഉണ്ടാകുന്നു. ഗുജറാത്ത് വികസനങ്ങളോ, അവരുടെ ഹിന്ദുത്വ അജണ്ടയോ മലയാളികള്‍ സീരിയസ് ആയി എടുത്തു എന്നതിന് ഇതുവരെ ഒരു തെളിവും ഇല്ല.

വലിയ പ്രതീക്ഷ നല്‍കുന്നവരായി നേതാക്കളില്‍ ആരെയും കാണുന്നില്ല.. ഐക്യ ജനാധിപത്യ മുന്നണി ജയിച്ചാല്‍ ഉമ്മന്‍ ചാണ്ടി തന്നെ മുഖ്യമന്ത്രി ആകുമെന്ന് ഉറപ്പില്ല. വികസന നായകന്‍ തന്നെ അറിയാവുന്ന എല്ലാ വികസന പദ്ധതികളും തുടങ്ങി–കേരളത്തെ 70 കളില്‍ നിന്ന് 80 കളിലേക്ക് കൊണ്ടുവരുന്നവ എന്ന്‍ സാമാന്യമായി പറയാം. 2010 കളിലേക്ക് ഇനിയും പോകാനുണ്ട് ബഹുദൂരം. ഇടതു മുന്നണിയുടെ പടക്കുതിര ആകട്ടെ 90 കഴിഞ്ഞെ ങ്കിലും  ഇനിയും ഒരു അങ്കത്തിനു ബാല്യമുണ്ട് എന്ന വിശ്വാസത്തില്‍ ആണ്. തൊട്ടു പിന്നാലെ നടക്കുന്ന രണ്ടാം പടക്കുതിരയ്ക്ക്, എല്ലാം ശരി ആക്കാം എന്ന മട്ടും ഭാവവുമാണ്. ഹിന്ദുത്വക്കാര്‍ അധികാരത്തില്‍ എത്തുമെന്ന് ആരും കരുതുന്നില്ലെന്നത് കൊണ്ട് അവരെ നമ്മള്‍ ‘അക്കൗണ്ട്‌ തുറക്കാന്‍’ വിടുന്നു.

കടപ്പാട്: മനോരമ ഓണ്‍ലൈന്‍

ആകെപ്പാടെ ഇടതു വലതു നേതാക്കളെ നോക്കുമ്പോള്‍ തോന്നുന്നത്, ഇവര്‍ വന്നാൽ കേരളം 2000 ത്തിന് പുറകില്‍ തന്നെ ആയിരിക്കും എന്നാണ്. കാരണം, 2010 കളിലെ സമൂഹത്തേയോ സമ്പദ്ഘടനയേയോ മനസിലാക്കി ഒരു നവ കേരളത്തിന്‌ വഴികാട്ടികള്‍ ആകാനുള്ള ശേഷിയും ശേമുഷിയും  ഉണ്ടെന്നു ഇരുകൂട്ടരടേയും ഇതേവരെയുള്ള പ്രവര്‍ത്തനങ്ങളോ, ശൈലിയോ സൂചിപ്പിക്കുന്നില്ല.  ഇത്രയും, ഇടതു വലതു വ്യത്യാസം ഇല്ലാതെ തന്നെ പറയാം .

ഇവരുടെ രാഷ്ടീയ നിലപാടുകളിലേയ്ക്ക് നോക്കാം. .കോണ്‍ഗ്രസ്സ് ദേശീയ രാഷ്ടീയത്തിലെ, കാലൊടിഞ്ഞ കുതിരയാണ്- കേരളത്തില്‍ ഒരുപക്ഷേ ജയിച്ചാലും അത് അവര്‍ക്ക് ഒരു നേര്‍ത്ത സന്തോഷത്തില്‍ കവിഞ്ഞ്  ഒന്നും നല്‍കാന്‍ ഇടയില്ല. ശരിയായ അര്‍ത്ഥത്തില്‍ സന്തോഷിക്കാന്‍, രാജസ്ഥാനോ, മദ്ധ്യപ്രദേശോ വേണം. എന്നാല്‍ ഇടതു കക്ഷികളുടെ അവസ്ഥ അതല്ല. കേരളത്തിലെ ജയം അവര്‍ക്ക് ഒരര്‍ത്ഥത്തില്‍, മൂന്നില്‍ രണ്ടു വിജയം നല്‍കുന്നു. മൂന്നിടത്ത് ഭരിച്ചിരുന്ന അവര്‍ കേരള വിജയത്തോടെ ഒരു ത്രിപുരയില്‍ എന്ന അവസ്ഥയില്‍ നിന്ന് കേരളത്തില്‍ കൂടി എന്ന നിലയിലേയ്ക്ക് ഉയരുന്നു. ദേശീയ രാഷ്ട്രീയത്തില്‍ നിവര്‍ന്ന്‍ നില്‍ക്കാന്‍  ഇതവര്‍ക്ക് കെല്‍പ്പു നല്‍കും. ബംഗാളിലെ നല്ല പ്രകടനം വഴി, കൂടുതല്‍ അസംബ്ലി സീറ്റുകള്‍ കൂടി നേടാനായാല്‍ അവര്‍ക്ക് തങ്ങളുടെ വിപ്ലവ വീര്യം തെരഞ്ഞെടുപ്പില്‍  വീണ്ടെടുക്കാനാകുന്നു..

ബി.ജെ.പി.ക്ക് ആകട്ടെ ഒന്നും നഷ്ടപ്പെടാനില്ല. പൂജ്യത്തില്‍ നിന്നുള്ള എതു കയറ്റവും- അത് ഒന്നിലേയ്ക്കായാലും-  സന്തോഷകരമാണല്ലോ!. അവര്‍ പറയുന്നത് ഈ ഒന്ന് 10 വരെ ആകുകയും, ഇടതു വലതു മുന്നണികള്‍ക്ക് ഭൂരിപക്ഷം ഇല്ലാതെ ആകുകയും ചെയ്താല്‍ കേന്ദ്രം, കേരളം ഭരിക്കും എന്നും കുമ്മനം, നിഴല്‍ മുഖ്യ മന്ത്രിയാകും എന്നത്രേ. കണ്ടറിയേണ്ട കാര്യം..

ഒന്ന് വ്യക്തമാണ് ഇടതിന്‍റെ ദേശിയ ഭാവി നിര്‍ണ്ണയിക്കുന്ന തെരഞ്ഞെടുപ്പായിരിക്കും ഇത്. കേരളത്തിലെ പരാജയം അവരുടെ ഭാവിയെ, ദേശിയ പ്രസക്തിയെ തന്നെ ബാധിക്കും. സി. പി ഐ യെ പോലെ ദേശീയപാര്‍ട്ടിയെന്നു പറയാനാവാത്ത, പ്രാദേശികപാര്‍ട്ടിയെന്നു വിളിക്കാവുന്ന ഒരു അവസ്ഥ, സി.പി.എമ്മിന് വിശേഷിച്ചും പ്രശ്നങ്ങള്‍ ഉണ്ടാക്കും . എന്നാൽ കോണ്‍ഗ്രസിനോ ബി. ജെ പിക്കോ അങ്ങനെ ഒരു അവസ്ഥ ഇല്ല . അത് കൊണ്ട് 1957 ലേത് പോലെ കമ്മ്യൂണിസ്റ്റ്‌ ഭരണം വന്നില്ലെങ്കില്‍ ഈ പാര്‍ട്ടികളുടെ സ്ഥിതി ദയനീയം ആകും .

അങ്ങനെ സംഭവിച്ചാല്‍, കമ്മ്യുണിസ്റ്റുകാര്‍ക്ക് തെരഞ്ഞെടുപ്പിലൂടെയും അധികാരത്തില്‍ വരാനാകുമെന്ന് ലോകത്തിനു കാണിച്ചു കൊടുത്ത അതേ കേരളം, അതേ രീതിയില്‍ അതിനെ, പിഴുതെറിയാമെന്നും കാണിക്കുന്ന വലിയ സംഭവം ആയിരിക്കും അടുത്താഴ്ച നടക്കുന്നത്. കൂടെ കേരളത്തിലെ ലിബറല്‍ സാമൂഹിക നവോത്ഥാന പ്രസ്ഥാനങ്ങളുടെ ഭാവിയും നിര്‍ണ്ണയിക്കപ്പെടും . ഈ രാഷ്ടീയ സാമൂഹിക ലിറ്റ്മസ് ടെസ്റ്റുകള്‍, ചരിത്രത്തിന്‍റേയും ഭാഗഭാക്കാക്കുന്നു നമ്മളെ.

ഇന്ന് ജാനു നമ്മളെയല്ല തോൽപ്പിച്ചത്, നമ്മൾ ജാനുവിനെയാണ്. ജാനു ഇതുവരെ ഉയർത്തി പിടിച്ചിരുന്ന പാർശ്വവത്കൃതന്റെ  രാഷ്ട്രീയത്തെയാണ്.

[dropcap]ഭാ[/dropcap]രതീയ ജനതാ പാര്‍ട്ടിയും, അവരെ പിന്താങ്ങുന്ന ആര്‍ എസ് എസും, അവരാല്‍ നയിക്കപ്പെടുന്ന സംഘപരിവാറും നടപ്പിലാക്കിക്കൊണ്ടിരിക്കുന്ന ഉന്മാദ ദേശീയതയുടെ പുറകെയാണ് ഇപ്പോള്‍ ഇന്ത്യന്‍ നാഷണല്‍ കോണ്‍ഗ്രസ് എന്ന ദേശീയ പാര്‍ട്ടി. ഒന്നിന് പുറകെ ഒന്നായി സംഘപരിവാര്‍ രാഷ്ട്രീയത്തിന്റെ നിലപാടുകള്‍ പറഞ്ഞുകൊണ്ടിരിക്കുകയാണ് വര്‍ഷങ്ങളുടെ മതേതര പാരമ്പര്യത്തിന്റെ മേനി നടിക്കുന്ന ആ പ്രസ്ഥാനം.

ജെ.എന്‍.യുവില്‍ പൊട്ടിത്തെറിക്കപ്പെട്ട രാഷ്ട്രീയസാഹചര്യത്തില്‍ നിന്നാണ് പ്രകടമായ മാറ്റം കോണ്‍ഗ്രസ്സില്‍ കണ്ടു തുടങ്ങിയത്. ആദ്യഘട്ടത്തില്‍ സര്‍വ്വ പിന്തുണയും പ്രഖ്യാപിക്കപ്പെടുകയും, രാഹുല്‍ ഗാന്ധി തന്നെ വിദ്യാര്‍ത്ഥികള്‍ക്ക് വേണ്ടി രംഗത്ത് വരികയും ചെയ്തു. എന്നാല്‍ പിന്നീട് പാര്‍ട്ടി അവരുടെ നിലപാടുകള്‍ തിരുത്തുന്ന കാഴ്ചയാണ് കാണാന്‍ കഴിഞ്ഞത്. കനയ്യകുമാര്‍, അനിര്‍ബന്‍, ഉമര്‍ ഖാലിദ് എന്നിവര്‍ കുറ്റക്കാരാണെന്ന് വീഡിയോ ദൃശ്യങ്ങളിലൂടെ സംഘപരിവാര്‍ അനുകൂല നിലപാടുകാര്‍ വിലയിരുത്തിയപ്പോള്‍ കോണ്‍ഗ്രസ്സിന്റെ ഭൂരിപക്ഷവും ആ വാദങ്ങളെ ഏറ്റുപാടി. രാജ്യമാണ് വലുതെന്നും, അതിന് ശേഷമേ മറ്റെന്തുമുള്ളൂ എന്ന തരത്തിലുള്ള ട്വീറ്റുകളും ഫേസ്ബുക്ക് പോസ്റ്റുകളും ആ സമയത്ത് കോണ്‍ഗ്രസ്സുകാരെന്ന് മേനി നടിക്കുന്നവരില്‍ നിന്ന് പുറത്ത് വന്നതും നാം കണ്ടതാണ്.

ആ നിലപാടുകളെല്ലാം അന്ന് സഹായകമായത് അക്രമണതത്പരായ സംഘപരിവാര്‍ അനുകൂലികള്‍ക്കായിരുന്നു. അതുവരെ വിശാലമായ കാഴ്ചപ്പാടോടെ കൈകാര്യം ചെയ്തിരുന്ന തങ്ങളുടെ രാഷ്ട്രീയപാരമ്പര്യത്തിന്റെ കടയ്ക്കല്‍ വച്ച കത്തിയായിരുന്നു ഈ അവസരത്തിലെ പല കോണ്‍ഗ്രസ് നേതാക്കളുടെയും നിലപാട് മാറ്റം.

ഈ കഴിഞ്ഞ ഒരാഴ്ചക്കാലത്തെ കോണ്‍ഗ്രസ്സ് നേതാക്കളുടെ നിലപാടുകള്‍ മറ്റെന്തെല്ലാമായിരുന്നു എന്ന് പരിശോധിക്കേണ്ടതുണ്ട്. അത് പ്രഖ്യാപിത കോണ്‍ഗ്രസ്സ് നിലപാടല്ലല്ലോ എന്ന് ആശ്വസിക്കാമെങ്കിലും, സംഘപരിവാര്‍ അജണ്ടകളുടെ മന:സ്ഥിതി ചുമന്ന് കൊണ്ട് നടക്കുന്നവരാണ് ആ പാര്‍ട്ടിയെയും അണികളേയും നയിക്കുന്നത് എന്നുള്ള യാഥാര്‍ത്ഥ്യമാണ് നാം ഇപ്പോള്‍ ചര്‍ച്ച ചെയ്യേണ്ടത്.

മഹാരാഷ്ട്ര അസംബ്ലിയില്‍ കഴിഞ്ഞ ആഴ്ച കോണ്‍ഗ്രസ്സ് എടുത്ത നിലപാട് എന്തായിരുന്നു? ബി.ജെ.പിയ്ക്കും, ശിവസേനയ്ക്കും, എന്‍.സി.പിയ്ക്കുമൊപ്പം ചേര്‍ന്ന് ആള്‍ ഇന്ത്യ മജ്ലിസ് ഇ ഇത്തിഹാദ് അല്‍ മുസ്ലിമീന്‍ എം.എല്‍.എ ആയ വാരിസ് പത്താനെ സഭയില്‍ നിന്ന് സസ്പെന്റ് ചെയ്യിപ്പിച്ചു. ഭാരത് മാതാ കീ ജയ് എന്ന മുദ്രാവാക്യം വിളിക്കാന്‍ വിസമ്മതിച്ചതിനാണ് വാരിസ് പത്താനെ സസ്പെന്റ് ചെയ്തത് എന്നറിയുമ്പോഴാണ് ആ അസംബ്ലിയില്‍ ഇരുന്നിരുന്ന നാല്പത്തിരണ്ട് കോണ്‍ഗ്രസ്സ് എം.എല്‍.എമാരും പിന്തുണച്ചത് സംഘപരിവാര്‍ രാഷ്ട്രീയത്തെയായിരുന്നു എന്ന് മനസ്സിലാവുന്നത്.

മുസ്ലീം ആയ ഒരു എം.എല്‍.എയെ ദേശസ്നേഹിയല്ല എന്ന് ആരോപിക്കുകയും, അദ്ദേഹത്തെക്കൊണ്ട് മാപ്പപേക്ഷ എഴുതിപ്പിക്കണമെന്ന് സഭയില്‍ ബഹളമുണ്ടാക്കുകയും ചെയ്തത് കോണ്‍ഗ്രസ് ഉയര്‍ത്തിപ്പിടിക്കുന്ന ഏത് മതേതര പാരമ്പര്യത്തിന്റെ ഭാഗമാണ്?

ആ സംഭവത്തിന് ശേഷമുണ്ടായ പ്രതിപക്ഷ നേതാവും, കോണ്‍ഗ്രസ് എം.എല്‍.എയുമായ രാധാകൃഷ്ണ വിഖേ പാട്ടീലിന്റെ പ്രസ്താവന കേട്ടാല്‍ അദ്ദേഹമൊരു ബി.ജെപിക്കാരനോ, ശിവസേനക്കാരനോ ആയിരുന്നു എന്ന് ആരെങ്കിലും തെറ്റിദ്ധരിച്ചാല്‍ കുറ്റപ്പെടുത്താന്‍ കഴിയില്ല. ദേശീയവികാരത്തെ ആരെങ്കിലും അപകീര്‍ത്തിപ്പെടുത്താനോ അവഹേളിക്കാനോ ശ്രമിച്ചാല്‍ ഈ രാജ്യത്തെ അപമാനിച്ചതിന് ശക്തമായ നടപടിയെടുക്കണമെന്ന് ഞാന്‍ ആവശ്യപ്പെടും എന്നാണ് അദ്ദേഹം ഈ വിഷയവുമായി ബന്ധപ്പെട്ട് മാധ്യമങ്ങളോട് പറഞ്ഞത്.

ഒവൈസിയും, വാരിസ് പത്താനും

രാഷ്ട്രീയ സ്വയം സേവക് സംഘ് തലവന്‍ മോഹന്‍ ഭഗവതിന്റെ ഒരു പ്രസ്താവനയുമായി ബന്ധപ്പെട്ടാണ് ഈ വിവാദം ഉടലെടുത്തത് എന്നതാണ് ശ്രദ്ധേയം. പുതിയ തലമുറയിലെ ചെറുപ്പക്കാരെയെല്ലാം ‘ഭാരത് മാതാ കീ ജയ്’ എന്ന് വിളിക്കാന്‍ പഠിപ്പിക്കണമെന്നായിരുന്നു അതിന് തൊട്ട് മുന്നത്തെ ദിവസം മോഹന്‍ ഭഗവത് പറഞ്ഞിരുന്നത്. അതിനെത്തുടര്‍ന്ന് ആള്‍ ഇന്ത്യ മജ്ലിസ് ഇ ഇത്തിഹാദ് അല്‍ മുസ്ലിമീന്‍റ്റെ ദേശീയനേതാവായ അസദുദ്ദീന്‍ ഒവൈസ് തങ്ങളുടെ കഴുത്തില്‍ കത്തി വച്ച് ഭീഷണിപ്പെടുത്തിയാല്‍ പോലും തങ്ങള്‍ ഭാരത് മാതാ കീ ജയ് വിളിക്കില്ലെന്ന വെല്ലുവിളിയോടെ മറുപടി പറഞ്ഞിരുന്നു. അതിന്റെ ബാക്കി ഭാഗമായിരുന്നു മഹാരാഷ്ട്ര അസംബ്ലിയില്‍ നടന്നത്. ഒവൈസിയോടുള്ള ആര്‍ എസ് എസിന്റെ പകപോക്കലിലാണ് കോണ്‍ഗ്രസ്സ് എന്ന മതേതരപാര്‍ട്ടി ആര്‍ എസ് എസിന്റെ പക്ഷം ചേര്‍ന്ന് വാരിസ് പത്താനെ സഭയില്‍ നിന്ന് പുറത്താക്കിയത്.

മഹാരാഷ്ട്രയ്ക്ക് ശേഷം പിന്നീട് കണ്ട കാഴ്ച മധ്യപ്രദേശിലേതായിരുന്നു. ദേശീയവാദികളുടെ വിപ്ലവമാണ് മധ്യപ്രദേശിലുണ്ടായത്. എതെന്തായിരുന്നു എന്ന് നോക്കാം. മധ്യപ്രദേശ് അസംബ്ലിയില്‍ ഒവൈസിയുടെ പ്രസ്താവനയ്ക്കെതിരെ ബി.ജെ.പി എം.എല്‍.എമാരും, കോണ്‍ഗ്രസ് എം.എല്‍.എമാരും ഏകകണ്ഠമായ പ്രസ്താവനയുമായി രംഗത്ത് വരികയായിരുന്നു. എന്തായിരുന്നു ഇത്രമാത്രം വൈകാരികമായി മധ്യപ്രദേശ് നിയമസഭാ സാമാജികര്‍ക്ക് ഈ വിഷയത്തില്‍ ഇടപെടേണ്ടിയിരുന്ന കാര്യം? എന്ത് അധികാരമാണ് അത്തരത്തില്‍ ഒരു പ്രസ്താവന പുറപ്പെടുവിക്കാന്‍ ഈ സാമാജികര്‍ക്ക് ഉണ്ടായിരുന്നത്? ഈ പ്രസ്താവന എങ്ങനെയാണ് മധ്യപ്രദേശിനെ ബാധിക്കുന്നത്? ഒവൈസി മധ്യപ്രദേശില്‍ വച്ചാണോ ഈ പ്രസ്താവന നടത്തിയത്? അല്ല- അപ്പോള്‍ പിന്നെ എന്ത് വസ്തുതകളുടെ അടിസ്ഥാനത്തിലാണ് ഇത് സംഭവിച്ചത് എന്നുള്ളതാണ് പരിശോധിക്കേണ്ടത്.

ബി.ജെ.പിയെ സംബന്ധിച്ചിടത്തോളം അത്തരമൊരു പരിശോധന നമുക്ക് റദ്ദ് ചെയ്തേക്കാം. കാരണം, അവര്‍ അത്തരത്തില്‍ ഒരു രാഷ്ട്രീയ ജാഗ്രതയും അവകാശപ്പെടുന്നില്ല. എന്നാല്‍ ഉയര്‍ത്തിപ്പിടിക്കുന്ന മൂല്യങ്ങളുള്ള ഇന്ത്യന്‍ നാഷണല്‍ കോണ്‍ഗ്രസ്സിന് ഈ ചോദ്യങ്ങള്‍ക്കെല്ലാം മറുപടി പറയാതെ എങ്ങനെയാണ് ഒഴിഞ്ഞ് നില്‍ക്കാന്‍ സാധിക്കുക?

അതിനേക്കാള്‍ രസകരമായ സംഗതി അതൊന്നുമല്ല. നൂറ്റി അറുപത്താറംഗങ്ങളാല്‍ ഭൂരിപക്ഷമുള്ള ബി.ജെ.പിയും, വെറും അമ്പത്തിയേഴ് അംഗങ്ങളുള്ള കോണ്‍ഗ്രസും, നാല് അംഗങ്ങളുള്ള ബി.എസ്.പിയും, മറ്റ് നാലംഗങ്ങളൂമുള്ള ഒരു സഭയില്‍ നിന്ന് കോണ്‍ഗ്രസ്സ് എം.എല്‍.എ ആയ ജിത്തു പട്വാരിയാണ് ഈ പ്രസ്താവനയ്ക്ക് ചുക്കാന്‍ പിടിച്ചത് എന്ന് കാണുമ്പോള്‍, അതിനെയാണ് കോണ്‍ഗ്രസ്സിലെ ബാക്കി അമ്പത്തിയാറ് പേരും പിന്തുണച്ചത് എന്ന് കാണുമ്പോള്‍ സംഘപരിവാറിന്റെ ദേശീയത സങ്കല്പത്തില്‍ നിന്ന് എന്ത് വ്യത്യാസമാണ് നാം കോണ്‍ഗ്രസ്സില്‍ നിന്ന് പ്രതീക്ഷിക്കേണ്ടത്. അതും പോരാഞ്ഞ് ഈ പ്രസ്താവനയിറക്കാന്‍ ജവഹര്‍ ലാല്‍ നെഹ്രുവിനെക്കൂടിയാണ് അദ്ദേഹം കൂട്ട് പിടിച്ചത്. ‘ഇന്ത്യയെ കണ്ടെത്തല്‍’ എന്ന അദ്ദേഹത്തിന്റെ പുസ്തകത്തില്‍ ഈ രാജ്യത്തെ മദര്‍ ഇന്ത്യ എന്നാണത്രെ അദ്ദേഹം വിശേഷിപ്പിച്ചിരിക്കൂന്നത്. അപ്പോള്‍ ഭാരത് മാതാ കീ ജയ് എന്ന് വിളിക്കാന്‍ വിസമ്മതിക്കുന്നവര്‍ ഭാരത് മാതയെ അപമാനിക്കുകയാണ് എന്നും ആ കോണ്‍ഗ്രസ്സ് എം.എല്‍.എ പറയുന്നു. അങ്ങനെ ഒവൈസിക്കെതിരെ പ്രതിപക്ഷം ഉയര്‍ത്തിക്കൊണ്ട് വന്ന ജനോപകാരപ്രദമായ ആ ആവശ്യം ഭരണപക്ഷവും പ്രതിപക്ഷവും സംയുക്തമായും, ഏകകണ്ഠമായും പാസാക്കി.

മധ്യപ്രദേശിലെ ഈ പ്രത്യേകപരിപാടിക്ക് ശേഷം പിന്നീട് വേദി ഗുജറാത്തിലേക്ക് മാറി. അവിടെ കോണ്‍ഗ്രസ്സിന് ഭാരത് മാതാ ആയിരുന്നില്ല പ്രശ്നം. നേരെ മറിച്ച് അവിടെ ഗോമാതാവിനെ രാഷ്ട്രമാതാവാക്കുന്നില്ല എന്നതായിരുന്നു. മഹാരാഷ്ട്രയിലും, മധ്യപ്രദേശിലും രാജ്യമായിരുന്നു അമ്മ എങ്കില്‍ ഇവിടെ പശുവിനെ രാഷ്ട്രമാതാവാക്കണം എന്നായിരുന്നു കോണ്‍ഗ്രസ് ഗുജറാത്ത് അസംബ്ലിയില്‍ വാദിച്ചത്. ഇതേ ആവശ്യമുന്നയിച്ച് ഗുജറാത്തില്‍ ഒരാള്‍ ആത്മാഹുതി ചെയ്തപ്പോള്‍ തൊട്ടടൂത്ത ദിവസം പ്രതിപക്ഷമായ കോണ്‍ഗ്രസ്സ് സഭയില്‍ ആവശ്യപ്പെട്ട കാര്യമാണിത്. മേല്‍പ്പറഞ്ഞ രണ്ട് കാര്യങ്ങള്‍ കഴിഞ്ഞ ദിവസങ്ങളില്‍ കണ്ടിരുന്നതു കൊണ്ട് തന്നെ ഇക്കാര്യം അറിഞ്ഞപ്പോള്‍ ആര്‍ക്കും പ്രത്യേകിച്ച് ഒന്നും തോന്നിയിട്ടുണ്ടാവാന്‍ തരമില്ല.

ശങ്കര്‍ സിങ്ങ് വഗേല

ഭരണപക്ഷമായ പ്രതിപക്ഷം പോലും ആവശ്യപ്പെടാത്ത ഒരു കാര്യത്തിലാണ് പ്രതിപക്ഷമായ മതേതരമൂല്യങ്ങള്‍ കയ്യാളുന്ന ദീര്‍ഘകാലത്തെ പാരമ്പര്യം പേറുന്ന ഇന്ത്യന്‍ നാഷണല്‍ കോണ്‍ഗ്രസ്സിന്റെ നേതാവും എം എല്‍ എയുമായ ശങ്കര്‍ സിങ്ങ് വഗേല, സര്‍ക്കാര്‍ പശുവിനെ രാഷ്ട്രമാതാവായി പ്രഖ്യാപിക്കുകയാണെങ്കില്‍ കോണ്‍ഗ്രസ്സ് അതിനെ പിന്തുണയ്ക്കും എന്ന അപ്രതീക്ഷിത വാഗ്ദാനവുമായി രംഗത്ത് വരുന്നത്. ഞാന്‍ പിന്തുണയ്ക്കും എന്നല്ല വഗേല പറഞ്ഞത്, മറിച്ച് എന്റെ പാര്‍ട്ടിയായ കോണ്‍ഗ്രസ്സ് പിന്തുണയ്ക്കും എന്നായിരുന്നു. അവിടെയും നമുക്ക് സംശയിക്കാതിരിക്കാന്‍ കഴിയില്ല. അതൊന്നും പോരാതെ, ഗോവധത്തിനെതിരെ ദീര്‍ഘനേരം മുദ്രാവാക്യം മുഴക്കുകയും, പ്രതിഷേധത്തിന്റെ ഭാഗമായി സംഭയില്‍ നിന്ന് ഇറങ്ങിപ്പോവുകയും ചെയ്തു എന്ന് കൂടി അറിയുമ്പോള്‍ സംഘപരിവാറേതാണ് കോണ്‍ഗ്രസ് ഏതാണ് എന്നറിയാതെ ആരും ബുദ്ധിമുട്ടിപ്പോവുമെന്നതില്‍ യാതൊരു തര്‍കവും വേണ്ട. ഏറ്റവുമൊടുവില്‍ മാധ്യമപ്രവര്‍ത്തകര്‍ക്ക് മുന്നില്‍ വഗേല പറഞ്ഞത്, പശു നമ്മുടെ അമ്മയാണ്. അതിനാല്‍ ബി.ജെ.പി സര്‍ക്കാര്‍ പശുവിനെ രാഷ്ട്രമാതാവായി പ്രഖ്യാപിച്ചേ തീരൂ എന്നായിരുന്നു.

ഈ സംഭവങ്ങളെല്ലാം എങ്ങനെയാണ് യാദൃശ്ചികം എന്ന് കരുതാനാവുക? ഒന്നും ഒറ്റപ്പെട്ട സംഭവങ്ങളായിരുന്നില്ല. എല്ലാ ശബ്ദങ്ങള്‍ക്കും പ്രസ്തുത വേദികളില്‍ പൂര്‍ണ്ണമായ പിന്തുണയായിരുന്നു ഉണ്ടായിരുന്നത്. ഒരൊറ്റ എതിര്‍ സ്വരവും എവിടെയും കേട്ടില്ല. സംഭവങ്ങള്‍ക്ക് ശേഷം ഏത് കേന്ദ്രനേതാക്കളാണ് ശക്തമായി ഇതിനെ എതിര്‍ക്കാന്‍ മുന്നോട്ട് വന്നത്? എന്തുകൊണ്ട് ഈ നടപടികളെ തള്ളാനും, നേതാക്കളെ ശാസിക്കാനും കോണ്‍ഗ്രസ്സ് എന്ന മതേതരപ്രസ്ഥാനത്തിന് കഴിയാതെ പോയി? അവിടെയാണ് സംഘപരിവാര്‍ മുന്നോട്ട് വയ്ക്കുന്ന രാഷ്ട്രീയത്തിന് കീഴ്പ്പെട്ട കോണ്‍ഗ്രസ്സിനെ നമുക്ക് കാണാന്‍ കഴിയുന്നത്.

ഇവിടെ കേരളത്തില്‍ പോലും നമുക്ക് ആ കാഴ്ച കാണാനാവും. മാവോയിസ്റ്റുകള്‍ക്കും, കമ്മ്യൂണിസ്റ്റുകാര്‍ക്കുമെതിരെ യു.എ.പി.എ പോലുള്ള നിയമങ്ങള്‍ ചാര്‍ത്തിക്കൊടുക്കുമ്പോള്‍ പോലും പോലീസ് സ്റ്റേഷന്‍ ആക്രമിക്കുകയും മറ്റും ചെയ്യൂന്ന സംഘപരിവാറുകാര്‍ക്കെതിരെ എന്ത് നിലപാടാണ് കേരള ഗവണ്മെന്റ് കൈക്കൊണ്ടത്? വിവാദമായ പ്രസംഗം നടത്തിയ വെള്ളാപ്പള്ളിക്കെതിരെ കേസ് എടുക്കേണ്ടതില്ലെന്ന നിയമോപദേശം ആര്‍ക്ക് വേണ്ടിയാണ്? തൊഗാഡിയയ്ക്കെതിരായ കേസ് എഴുതിത്തള്ളിയതും ആരും മറന്നുകാണാനിടയില്ല.

അങ്ങനെ പലയിടങ്ങളിലും സംഘപരിവാറിനോടൊപ്പം നിന്ന് കോണ്‍ഗ്രസ്സ് ഹൈന്ദവരാഷ്ട്രീയം കളിക്കുമ്പോഴാണ് വി.ടി.ബല്‍റാം എം.എല്‍.എ വളരെ ലളിതമായി വെറുമൊരു ശങ്കര്‍ സിങ്ങ് വഗേലയെ മാത്രം ഒ.കെ.വാസുവിനോടുപമിച്ച് രംഗത്ത് വരുന്നത്. ശങ്കര്‍ സിങ്ങ് വഗേല കേവലമൊരു പ്രതിപക്ഷ നേതാവ് മാത്രമാണ്. നേരത്തെ സൂചിപ്പിച്ചത് പോലെ പശുവിനെ രാഷ്ട്രമാതാവാക്കിയാല്‍ ഞാനുണ്ടാവും എന്നല്ല വഗേല പറഞ്ഞത് എന്റെ പാര്‍ട്ടിയായ കോണ്‍ഗ്രസ് ഉണ്ടാവുമെന്നായിരുന്നു. അതിനെതിരെ ഒരൊറ്റ എം.എല്‍.എ പോലും സംസാരിച്ചില്ല. അതിനര്‍ത്ഥം അത് കോണ്‍ഗ്രസ് പാര്‍ട്ടിയുടെ തന്നെ തീരുമാനമാണെന്നല്ലേ?

സംഘപരിവാര്‍ ബാന്ധവമുപേക്ഷിച്ച് വന്ന ഒരു വാസുവിനോട് മാത്രമേ വഗേലയെ ഉപമിക്കാന്‍ കോണ്‍ഗ്രസ്സുകാര്‍ക്ക് കഴിയുന്നൂള്ളൂ. ഏറി വന്നാല്‍ അശോകനിലേക്കെത്തും അതിനപ്പുറം ഒരു ഉപമ കണ്ടെത്താന്‍ വിഷമിക്കേണ്ടി വരും. ബൈനറി ഉപേക്ഷിച്ച് നേരെ തിരിച്ച് പറയുകയാണെങ്കില്‍ മഹാരാഷ്ട്ര, മധ്യപ്രദേശ്, ഗുജറാത്ത് നിയമസഭകളിലെ കോണ്‍ഗ്രസ്സ് ടിക്കറ്റില്‍ വിജയിച്ച് സാമാജികരായിരിക്കുന്ന എല്ലാവരും ഒ.കെ വാസുമാരാണോ? അതോ അശോകന്മാരാണോ? തൊഗാഡിയയുടെ കേസ് എഴുതിത്തള്ളിയ നമ്മുടെ ആഭ്യന്തരമന്ത്രി ആരാണ്? വഗേലയെ മാത്രം എങ്ങനെയാണ് ക്രൂശിക്കുന്നത്. ഗോവധം നിരോധിച്ചത് തങ്ങളാണെന്നവകാശപ്പെട്ട ദ്വിഗ് വിജയ് സിങ്ങ് അപ്പോള്‍ ആരായിരുന്നു? സംഘപരിവാര്‍ രാഷ്ട്രീയം ഉപേക്ഷിച്ച് മാര്‍ക്സിസ്റ്റുകളായവരേക്കാള്‍ അധികമുണ്ട് സംഘപരിവാര്‍ രാഷ്ട്രീയം നെഞ്ചേറ്റി അധികാരത്തിന്റെ അപ്പക്കഷ്ണവും കടിച്ചിരിക്കുന്ന കോണ്‍ഗ്രസ്സുകാര്‍ എന്നതാണ് യാഥാര്‍ത്ഥ്യം.

ഹൈന്ദവ വോട്ടുകളുടെ ഏകീകരണത്തിനായി ഇത്രയൊക്കെ ചെയ്യുമ്പോള്‍ കോണ്‍ഗ്രസ്സ് എന്ന ദേശീയപാര്‍ട്ടി സംഘപരിവാര്‍ സംഘടനകളില്‍ ഒന്നായി ചുരുങ്ങുകയാണ് ചെയ്യുന്നത്. ദേശീയത എന്ന സങ്കല്പം അതുകൊണ്ട് തന്നെ രണ്ട് പാര്‍ട്ടികള്‍ക്കും ഒന്നായി മാറും. അങ്ങനെ കോണ്‍ഗ്രസ്സ്, ബി.ജെ.പി രണ്ടാമന്‍ എന്ന പേരില്‍ അറിയപ്പെടും. അങ്ങിനെ സംഭവിക്കാതിരിക്കട്ടെ എന്ന് നമുക്ക് പ്രത്യാശിക്കാം.