ആത്മഹത്യ

ഞാൻ

നീ പരാതി പറഞ്ഞിട്ടില്ല.
നിന്നെ പകർത്താനുള്ള ചായക്കൂട്ടുകൾക്ക് നിറം പോരെന്ന്
തോന്നിയപ്പോഴാണ് ഞാനെൻ്റെ ഹൃദയരക്തത്തിലേയ്ക്ക്
വിരൽ നീട്ടിയത്.

നീ

സ്വതന്ത്രമാക്കപ്പെട്ട നിറങ്ങൾ അനന്തവിഹായസ്സിൽ
പൂക്കുമെന്ന് നിന്നോടാരാണ് പറഞ്ഞത്?!
കാൻവാസ് നഷ്ടപ്പെട്ട നിറങ്ങൾക്ക് പിന്നെയൊരിക്കലുമൊരു
ചിത്രമാകാനാകില്ല.

നമ്മൾ

നീയില്ലാത്തയാകാശം വർണ്ണങ്ങളൊഴിഞ്ഞ ചിത്രമാണ്.