അനുഭവം

കുഞ്ഞുപ്രായത്തിൽ, ഞാൻ കേട്ട കഥകളിലൊന്നിൽ നൂറുമുറികളുള്ള ഒരു മാളികയുണ്ടായിരുന്നു. മാളികയുടെ ഉടമസ്ഥൻ തൊണ്ണൂറ്റൊമ്പതു മുറികളും തുറന്നിടുമായിരുന്നു. പക്ഷേ, നൂറാമത്തെ ആ മുറി മാത്രം തുറന്നു കാണിക്കാൻ അയാൾ ഒരിക്കലും തയ്യാറായിരുന്നില്ല. അനേകതവണ ആ കഥ കേട്ടിട്ടും കഥ പറഞ്ഞയാളുകൾ ഒരിക്കലും ആ മുറിയുടെ രഹസ്യം പറഞ്ഞു തന്നുമില്ല. ഒരു പക്ഷെ അവർക്കാർക്കും അതിനുത്തരം ഇല്ലായിരുന്നിരിക്കണം. ഓരോ മനുഷ്യൻ്റെ ഉള്ളിലും തുറക്കാത്ത ഒരു മുറിയുണ്ട്. പുറത്ത് ആളനക്കം കുറഞ്ഞ്, ഇരുട്ടു കനക്കുമ്പോൾContinue Reading

ആ നഗരത്തിലെ തെരുവുകൾക്ക് ദിവസങ്ങളുടെ പേരാണ് കൊടുത്തിരിക്കുന്നത്.ഞായറും തിങ്കളും പൂത്തിറങ്ങി ശനിയുടെ മന്ദതയിൽ മൂർച്ഛിക്കുന്ന മഹാനഗരമാണ്.ഞായറിൻ്റെ പേരുള്ള തെരുവിൽ നിറയെ വസ്ത്രങ്ങളുടെ കമ്പോളങ്ങളാണ്. നമ്മുടെ ചുട്ടിത്തോർത്തു മുതൽ പട്ടിൽ സ്വർണനൂൽ കോർത്തുകെട്ടി പല്ലവപ്പടർച്ച നടത്തിയ മുന്തിയ സാരികൾ വരെ കിട്ടുന്ന കടകൾ. തിങ്കൾത്തെരുവിൽ രുചിയുടെ രസഭാവങ്ങൾ ചമയമില്ലാതെയും ചമയം ചൂടിയും ആടുന്നു. ചുട്ടെടുക്കുന്നതിൻ്റെയും എണ്ണയിൽ മൂക്കുന്ന മധുരച്ചുരുളുകളുടെയും മണം ഉൾത്തെരുവുകളുടെ പഴയ ജനാലത്തുറപ്പുകളിലൂടെ മുഖ്യ തെരുവുകളിലേക്ക് പ്രസരിക്കും. തുടർന്നുള്ള തെരുവുകൾക്കുംContinue Reading