പൂമുഖം LITERATUREകവിത നോക്ക് ഔട്ട് മാച്ച്

നോക്ക് ഔട്ട് മാച്ച്

ഇതൊരു നോക്ക് ഔട്ട് മാച്ചാണ്
മൂന്ന് ഘട്ടങ്ങൾ താണ്ടാനുണ്ട്
ആഹ്ലാദങ്ങൾക്ക് കുമിളകളുടെ
ആയുസ്സ് പോലുമില്ല
അതിജീവനത്തിന്റെ ഒന്നര മണിക്കൂർ
പിന്നീടൊരു അര മണിക്കൂർ
അതിലും വിധിയെഴുതിയില്ലെങ്കിൽ
ഗോൾ കീപ്പർമാർക്ക് മാർക്കിടാം
നിങ്ങൾ പോലുമറിയാതെ
നിയന്ത്രിക്കാനൊരു റഫറിയുണ്ട്
നോക്ക് ഔട്ട് മാച്ചിൽ വിജയികൾ
മാത്രമേയുള്ളു
പരാജയത്തിന്റെ കണക്കുകൾ
ആരും പരിഗണിക്കില്ല
വിയർപ്പിന്റെ ഉപ്പുള്ള
ജേർസിയ്ക്ക് മാത്രമറിയാം
അതിജീവനത്തിന്റെ അധ്വാനം
ആർപ്പ് വിളികൾ വിജയികൾക്കൊപ്പം
ആരവങ്ങളുടെ തുഴയൽ മുന്നേറിയവർക്കൊപ്പം
ജീവിതത്തിന്റെ നോക്ക് ഔട്ട് മാച്ചിൽ
പല ഘട്ടങ്ങളിലും തിരിച്ചു കയറാൻ പറ്റാതെ
നമ്മൾ ഔട്ട് ആകുന്നു , തീർപ്പിന്റെ
ലോങ്ങ് വിസിൽ മുഴങ്ങുന്നു.

കവർ: ജ്യോതിസ് പരവൂർ

Comments

You may also like

മലയാളനാട് വെബ് ജേർണൽ
മലയാളത്തിന്റെ മുഖപുസ്തകം.