ശ്രീജിത്ത് കൃഷ്ണൻകുട്ടി

തോണിയേറിയ തിര
തുള്ളിയുലഞ്ഞ തോണി
തുഴ മറന്ന തോണിക്കാരൻ
തുഴയാതകന്ന തോണി
തിരയകന്ന തീരം
തീരമകന്ന തോണി
തോണിയാഴ്ന്ന പുഴ
പുഴയിലലിഞ്ഞ തിര
പുഴ തൊട്ട തീരം
തിര തൊട്ട തീരം
തുഴ മറന്ന തീരം
തോണിയകന്ന തീരം.

കവർ ഡിസൈൻ : ജ്യോത്സ്ന വിത്സൺ

ചിലയോർമ്മകളിൽ
ചിരി ചിമ്മും
ചിലയോർമ്മകളിൽ
ചിറി വിമ്മും
ചിരിച്ചിമ്മിയോർമ്മകളെ
ചിതൽ തിന്നും
ചിറിവിമ്മിയോർമ്മകൾ
ചിറകനക്കും
ചിരിയടർന്ന ചിറിയും
ചിറകൊടിഞ്ഞ ചിരിയും
ചിതയായെരിയും
ചിത ചിന്തയാവും
ചാരം ചിരിയാവും
ചിന്ത ചാരവും.

ഇനി നോക്കു

ചിതയെരിഞ്ഞാൽ ചിന്ത
ചിന്തയെരിഞ്ഞാൽ ചാരം
ചാരം ചിരിയായിരിന്നു.

ചിരിയുടെ നിർദ്ധാരണം പൂർണം

കവർ ഡിസൈൻ : വിത്സൺ ശാരദാ ആനന്ദ്