LITERATURE കവിത

കജൂർ



ുസ്സഫയിലെ
വലിയ പള്ളിയില്‍ നിന്നും
മഗ്രിബ് ബാങ്കിന്‍ ധ്വനിയുയര്‍ന്നു .
നെടുനീളെവിരിച്ച പരവതാനിയിലിരുന്ന്
പരസ്പരം പകുത്തെടുത്ത
അന്നത്തെ വിശപ്പിനെ
ഒരു കജൂറിന്‍ മാധുര്യത്താല്‍
മുറിച്ചെടുക്കുമ്പോള്‍,
അരികിലിരിക്കുന്നവന്‍ അന്യദേശക്കാരന്‍,
അന്യഭാഷക്കാരന്‍, അന്യമതസ്ഥന്‍
അങ്ങനെ,
അന്യനന്യനെന്നൊരുവട്ടവും ഓര്‍ക്കാതെ
പങ്കുചേരലുകളെ പന്തിയില്‍ വിഭജിക്കാതെ
ഒരേവിശപ്പിനെ, ഒരേപോലെ,
ഒരുമിച്ചു നനച്ചെടുക്കുന്നു,
ഒരേ തളികയില്‍ നിന്നും
ബിരിയാണിയുടെ ഗന്ധം നുകരുന്നു .
ഒരതിശയരാജ്യമായി വാര്‍ത്തെടുക്കുന്നു
ഈ മരുഭൂമിയെ തൊഴിലാളികള്‍ .
വ്രതകാലമേ,
നീയെന്നില്‍ നിറച്ച വിശപ്പിനാല്‍
നീ അനുവദിച്ചു നല്‍കിയ ഈ കജൂറിനാല്‍
ഈ മാനവീകൈക്യത്തിനുമീതെ
ഞാന്‍ നട്ടുനനക്കുന്നു ,
മരുഭൂമിതന്‍ തണലിടങ്ങള്‍ പോല്‍
ഹൃദയോരങ്ങളില്‍ മാധുര്യം നിറച്ച
ഒരായിരം ഈന്തപ്പനമരങ്ങള്‍ …!

Comments
Print Friendly, PDF & Email

യുവകവികളിൽ ശ്രദ്ധേയനായ ജമാൽ മൂക്കുതല മലപ്പുറം സ്വദേശിയാണ്. 'പച്ചമൂടിയ മുറിവുകൾ' എന്ന കവിതാസമാഹാരം പ്രസിദ്ധീകരിച്ചിട്ടുണ്ട്. അബുദാബിയിൽ പ്രവാസജീവിതം നയിക്കുന്നു.

About the author

ജമാൽ മൂക്കുതല

യുവകവികളിൽ ശ്രദ്ധേയനായ ജമാൽ മൂക്കുതല മലപ്പുറം സ്വദേശിയാണ്. 'പച്ചമൂടിയ മുറിവുകൾ' എന്ന കവിതാസമാഹാരം പ്രസിദ്ധീകരിച്ചിട്ടുണ്ട്. അബുദാബിയിൽ പ്രവാസജീവിതം നയിക്കുന്നു.

MEANWHILE IN KERALA / UMD

കാർണിവൽ 2019
Published by

Satheesan Puthumana

Chief Editor

e mail: mneditorial@live.com

MEANWHILE IN KERALA / UMD

യു. എം. ഡി.