കഥ

ഭിണ്ടിലേക്കുള്ള വഴികൾ



മെസ്സിൽ അത്താഴം കഴിയ്ക്കുമ്പോഴാണ് ഡേവിഡ് കതിർവേലനോട് പറഞ്ഞത് ,’കതിരേ ,നമുക്ക് കഴിച്ചിട്ട് മെസ് ബോയ് രാജ്‌കുമാറിനെ ഒന്ന് കാണണം.

.'”എന്തിനാടാ ” കതിർ ആരാഞ്ഞു”അതൊക്കെയുണ്ട് ”

ഒരു ചിരിയോടെ ഡേവിഡ് കഴിച്ച് കഴിഞ്ഞ് കൈകഴുകാൻ എഴുന്നേറ്റു .രണ്ടു പേരും പ്ളേറ്റ് കൗണ്ടറിൽ ഏൽപ്പിച്ച് ബേസിനിലേക്ക് കൈ കഴുകാൻ പോയി സമയം ഒമ്പതിനോടടുക്കുന്നു .മെസ് കൗണ്ടർ അടച്ചു .കൈകഴുകിയ ശേഷം മെസ്സിന് പുറത്ത് കാത്ത് നിൽപ്പുണ്ടായ രാജ്‌കുമാറിനെയും കൂട്ടി മെസിന്റെ പിറകിലേക്ക് പോയി

‘ക്യാ ഹാൽ ഹേ രാജ് കുമാർ “

ഡേവിഡ് കുശലമന്വേഷിച്ചു .പിന്നീട് രഹസ്യമായി എന്തൊക്കെയോ പറയുന്നത് കതിർ വേലൻ കണ്ടു . ഒടുവിൽ രാജ്‌കുമാറിനോട് ഞായറാഴ്ച കാണാമെന്ന് പറഞ്ഞ് പിരിഞ്ഞു .

കതിർവേലനും ഡേവിഡും ഇരുളിൽ ബിലറ്റിലേക്ക് നടന്നു .അധികം ദൂരമില്ല .ബാറിൽ ഉണ്ടായവരെല്ലാം പതുക്കെ മുന്നിൽ രാക്കമ്മ കയ്യെത്തട്ടി പാട്ടൊക്കെ പാടി നീങ്ങുന്നു .ഡേവിഡ് ഒരു സിഗരറ്റ് കത്തിച്ചു .രണ്ട് പുകയെടുത്ത് കതിർ വേലന് കൊടുത്തു

“നീയെന്താ രാജ്‌കുമാറിനോട് പ്ലാൻ ചെയ്തത് “

കതിർ വേലന് ജിജ്ഞാസ

” അതൊക്കെയുണ്ട് ,നീ തയ്യാറായി നിന്നോ ,നമ്മൾ ഞായറാഴ്ച്ച ഒരു സ്ഥലം വരെ പോകുന്നു “

“എങ്ങോട്ട് ഡാ “

“ഭിണ്ടിലേക്ക് “

ഭിണ്ട് എന്ന പേര് കേട്ടതോടെ കതിർ വേലന് ഉത്സാഹവും പരിഭ്രമവുമായി .

” ഭിണ്ടോ”

സ്റ്റേഷനിൽ നിന്ന് ഏകദേശം ഒരുമണിക്കൂറിനടുത്ത് യാത്രയുണ്ട് തെക്ക് പടിഞ്ഞാറ് ഭാഗത്തുള്ള ഭിണ്ട് ജില്ലയിലേക്ക് .ഭിണ്ടിനെക്കുറിച്ച് ഇവിടെ പോസ്റ്റിങ്ങ് വന്നത് തൊട്ട് ഏറെ നിറം പിടിപ്പിച്ച കഥകൾ ബില്ലറ്റിന്റെ ചുമരുകൾ പോലും പറഞ്ഞിരുന്നു .എല്ലാവരും സമപ്രായക്കാർ .അധികവും ഒരേ എൻട്രിക്കാർ .അല്ലെങ്കിൽ ആറുമാസം ജൂനിയറോ സീനിയറോ .അപൂർവ്വം വടക്കേന്ത്യക്കാർ ഒഴിച്ചാൽ ബാക്കിയെല്ലാം തെക്കേ ഇന്ത്യക്കാർ.

യൂണിറ്റ് ജീവിതത്തിന്റെ വിരസതയുംഫട് ഫട്ടിൽ ദുർഘട യാത്ര ചെയ്ത് കരിപുരണ്ട്‍ നഗരത്തിലെത്തി ചുറ്റിയടിക്കുന്നതൊക്കെ വിരസമായ നാളുകൾ .അകെ ആശ്വാസം ബെഞ്ചുകളിൽ ഇരുന്ന് ഒന്നിടവിട്ട് തുറക്കുന്ന ബാർ .അവിടെ മരബെഞ്ചിലുരുന്ന് അരണ്ട ബൾബിന്റെ വെളിച്ചത്തിൽ സ്വകാര്യ ദുഖങ്ങളും സന്തോഷങ്ങളും പ്രതീക്ഷകളും ഡേവിഡും കതിർ വേലനും പങ്ക് വെയ്ക്കും

ഭിണ്ടിലെക്ക് ഞായറാഴ്ച്ച പോകാമെന്ന ഉറപ്പിൽ ഡേവിഡും കതിർവേലനും സുന്ദരമായ സ്വപ്നങ്ങളിലേക്ക് വഴുതി വീണുകതിർ വേലന്റെ സ്വപ്നങ്ങളിൽ പ്രാവുകൾ ഇണചേർന്നു .മയിലുകളുടെ നിർത്താതെയുള്ള കരച്ചിൽ .

ശനിയാഴ്ച ഡേവിഡും കതിർവേലനും എങ്ങും പോയില്ല .നവംബർ അവസാനമായത് കൊണ്ട് നല്ല തണുപ്പ് തുടങ്ങി .ഇന്ന് നേരിയ മഴക്കാറുമുണ്ട് . തണുപ്പ് .തുളച്ചു കയറുന്നൊരു കാറ്റും .ഇരുണ്ടപ്പോൾ ബാറിൽ പോയി രണ്ടു പേരും ..മെസ്സിൽ പോകാതെ ഷോപ്പിംഗ് കോംപ്ലെക്സിലേക്ക് നടന്ന് ഡാബയിൽ നിന്ന് റൊട്ടിയും കോഴിക്കറിയും കഴിച്ചു .തിരിച്ചു നടക്കുമ്പോൾ കതിർവേലൻ കേളടി കൺമണിയിലെ എസ് പി ബിയുടെ പാട്ട് ,മണ്ണിൽ ഇന്ത കാതൽ പാടി തുടങ്ങി .അനുപല്ലവിയിൽ പരമാവധി ശ്വാസം പിടിച്ചു പാടി .ഡേവിഡ് താളമിട്ട് പ്രോത്സാഹിപ്പിച്ചു ,;

“സൂപ്പർ ഡാ “

ഞായറാഴ്ച്ച രാവിലെ നല്ല തണുപ്പുണ്ടായിരുന്നെങ്കിലും ഡേവിഡും കതിർവേലനും എണീച്ചു കുളിച്ച് തയ്യാറായി ..അധികം ഉപയോഗിക്കാതിരുന്ന ക്യാന്റീനിൽ നിന്ന് വാങ്ങിയ പെർഫ്യും അടിച്ചു .മെസ്സിൽ പോയി പ്രാതൽ കഴിച്ചു .ഗാർഡ് റൂമിലേക്ക് സൈക്കിളിൽ പോയി .പുറത്തുള്ള ഒരു ഓട്ടോയിൽ കയറി അടുത്തുള്ളബസ് സ്റ്റോപ്പിലേക്ക് പോയി .അവിടെ രാജ്‌കുമാർ കാത്ത് നിൽക്കുന്നുണ്ടായിരുന്നു .ഇട്ടാവയ്ക്ക് പോകുന്ന ബസ് കുറച്ച കഴിഞ്ഞ് വന്നു .മൂന്നുപേരും കയറി .അവധി ദിവസമയത് കൊണ്ട് മാലൻപൂരിലേക്ക് പോകുന്ന കുറച്ച് തൊഴിലാളികൾ മാത്രമേ ഉണ്ടായിരുന്നുള്ളു .ഇടയിലൊരു പുഴ .നല്ല തണുത്ത കാറ്റ് .ഏകദേശം മുക്കാൽ മണിക്കൂറിൽ ഭിണ്ട് എത്തി .രാജ് കുമാറിന് പിന്നാലെ ഡേവിഡും കതിർ വേലനും ഇറങ്ങിഅവിടന്ന് ഒരു ഓട്ടോയിൽ കയറി ..ചെറിയ കുന്നുകൾക്കിടയിൽ ,വേപ്പ് മരങ്ങൾ കാണാം .. ഒരു കോളനി പോലുള്ളൊരു സ്ഥലത്ത് ഓട്ടോ നിർത്തി .ഞങ്ങൾ ഇറങ്ങി .

രാജ്‌കുമാർ ഞങ്ങളോട് പറഞ്ഞു

‘ഞാൻ ഇവിടെ എല്ലാം പറഞ്ഞ് ഏർപ്പാടാക്കിയിട്ടുണ്ട് .ഒരു യശോദാ ബഹൻ ജിയുണ്ട് .ആ കാണുന്ന വീടിന്റെ ഗേറ്റ് തുറന്നാൽ മതി .ഞാൻ ഒന്നൊന്നര മണിക്കൂർ കഴിഞ്ഞ് വരാം “

ഡേവിഡ് മുന്നോട്ട് നടന്നു ഗേറ്റിലെത്തി .കതിർ വേലന് ഒരു പരിഭ്രമം .ഡേവിഡ് ധൈര്യം കൊടുത്തു .ഗേറ്റ് തുറന്നത് ഒരു കഷണ്ടിയുള്ള മധ്യ വയസ്കൻ .നമസ്തേ പറഞ്ഞ് അയാൾ അകത്തേക്ക് നയിച്ചു .അവിടെ യശോദാ ബഹനെന്ന തടിച്ച സ്ത്രീ ഇരിക്കുന്നു .ഒരു ചൂടി കട്ടിലിൽ ഞങ്ങളോട് ഇരിക്കാൻ പറഞ്ഞു .മധ്യ വയസ്കൻ ഞങ്ങൾക്ക് നീണ്ട സ്റ്റീൽ ഗ്ലാസിൽ വെള്ളം തന്നു .

വെള്ളം കുടിച്ചപ്പോൾ യശോദ ബഹൻ ചിരിച്ചു കൊണ്ട് ആ വീടിന്റെ താഴത്തെ രണ്ട് മുറികളിലേക്ക് വിരൽ ചൂണ്ടി ;

” ആ മുറികളിലേക്ക് പൊയ്ക്കോളൂ “

ഇഷ്ടിക കൊണ്ട് കെട്ടിയ നീണ്ട കെട്ടിടമാണ് .

ആദ്യ വാതിൽ തുറന്ന് ഡേവിഡ് കയറി ..ചിരിച്ചു കൊണ്ട് സുന്ദരിയായഒരു യുവതി .ഒരു കട്ടിലും കസേരയുമുള്ള മുറി .ഏതോ ലേപനത്തിന്റെ ഒരു സുഗന്ധം .ചിരിച്ച് കൊണ്ട് ഡേവിഡിനെ നോക്കി പറഞ്ഞു

‘.കുസുമം എന്നാണ് പേര് .വീട് ഇവിടെയടുത്താണ് .ബഹൻജിയുടെ കൂടെയായിട്ട് ഒരു കൊല്ലം കഴിഞ്ഞു .സാർ പട്ടാളക്കാരനാണല്ലേ ?”

ഡേവിഡ് പേരൊക്കെ പറഞ്ഞ് കെട്ടിപിടിച്ചു .അക്ഷമനായി കട്ടിലിലേക്ക് കുസുമത്തെ നയിച്ചു.

അടുത്ത മുറിയിൽ പോയി കതിരവേൽ മുട്ടി .പതുക്കെ തുറന്നപ്പോൾ ,ഇരുപതിൽ താഴെ പ്രായം തോന്നിക്കുന്നൊരു പെൺകുട്ടി ,കണ്ണീരോടെയിരിക്കുന്നു. കതിർ വേലനെ കണ്ട് കൈകൂപ്പി,

എന്താ ഒരു വിഷമം ? കതിർവേലനും വേദനിച്ചു

ഓ എന്ത് പറയാൻ ,അടുത്തുള്ള വീട്ടിൽ നിന്നാണ് .അച്ഛനും അമ്മയും മരിച്ചു .ആരുമില്ല .ഇവിടെയെത്തിയത് കഴിഞ്ഞയാഴ്ചയാണ് .നിങ്ങളാദ്യത്തെയാളാണ് .എനിക്കാരുമില്ല ,

കതിർവേലന് ഇതൊക്കെ കേട്ടപ്പോൾ ആധിയായി ,

‘എന്താ പേര് ?’

“സുനിതാ കുമാരി “

കതിർ വേലന് പോളിടെക്‌നിക്കിൽ കൂടെ പഠിച്ച് പ്രണയിച്ച വസന്തയെ ഓർമ്മവന്നു .ആ കണ്ണുകൾ

“പത്തുദിവസം മുമ്പാണ് അച്ഛൻ മരിച്ചത് .ആരോടോ വഴക്കുണ്ടാക്കി ,കൊന്നതാണ് .പോലീസൊക്കെ വന്ന് പോയി .എനിയ്ക്കും ജീവിക്കണ്ടാന്ന് തോന്നുന്നു “

സുനിത വീണ്ടും തേങ്ങാൻ തുടങ്ങി .കതിർവേലന് സങ്കടം തോന്നി .അവൻ സുനിതയോട് സംസാരിച്ചു കൊണ്ടേയിരുന്നു കതിർ വേലന്റെ സമീപനത്തിൽ സുനിതയ്ക്ക് ആശ്വാസം തോന്നി .

അവൾ തൊഴുതു .കതിർവേലൻ നൂറു രൂപയെടുത്തവൾക്ക് നൽകി .നിഷേധിച്ചെങ്കിലും അവൻ നിർബന്ധിച്ച് കൊടുത്തു .പുറത്തിറങ്ങി.

പുറത്തിറങ്ങി കുറച്ചു കഴിഞ്ഞപ്പോൾ ഡേവിഡും വന്നു ,ആലസ്യത്തോടെ .യശോദായ്ക്ക് പൈസ നൽകി അവർ പുറത്തിറങ്ങി .

ഡേവിഡ് കതിർ വേലനോട് ആരാഞ്ഞു ,

“എങ്ങനെ ഉണ്ടായിരുന്നു “

കതിർ വേലൻ ചിരിച്ചുഡേവിഡ് നല്ല ആവേശത്തിലായിരുന്നു .

അപ്പോഴേയ്ക്ക് രാജ്‌കുമാർ എത്തി .അവനും പണം കൊടുത്ത ശേഷം അവർ ബസ് സ്റ്റോപ്പിലേക്ക് ഓട്ടോ വിളിച്ചു .സമയം ഉച്ച കഴിഞ്ഞു .ബിലറ്റിലെത്തി യപ്പോൾ.

എല്ലാർക്കും ഭിണ്ടിലെ കഥകളറിയണം .ഡേവിഡ് അവർക്ക് വർണ്ണിച്ചു കൊടുത്തു .കതിർ വേലൻ മൂക സാക്ഷിയായി കേട്ട് നിന്നു .

പിറ്റേന്ന് കതിർവേലൻ എമർജൻസി ലീവിന് അ പേക്ഷിച്ചു. മനസ്സിൽ കന്യാകുമാരിയും വസന്തയും മാത്രം.

ഡേവിഡിന്റെ കഥകൾ കേട്ട് അടുത്തയാഴ്ച്ച ഭിണ്ടിലേക്ക് കൂടെ പോകാൻ ഷെരീഫും റെഡ്ഢിയും പാണ്ഡേയും തിടുക്കം കാണിച്ചു .മഴ പെയ്യുന്നത് കൊണ്ട് പുറത്ത് ഇരുട്ട് നിറഞ്ഞു നിന്നു .തണുപ്പ് കൂടി.

വര – പ്രസാദ്‌

Print Friendly, PDF & Email

About the author

മുരളി മീങ്ങോത്ത്

ഇന്ത്യന്‍ വ്യോമസേനയിലായിരുന്നു. ആനുകാലികങ്ങളില്‍ എഴുതാറുണ്ട്.